U Chief Minister ka jylla, u Conrad K Sangma ynne da pynlait paidbah u ya ka MeghGo kamwa man kam ka Unified Mobility Platform ha ka yalang wa pynman ha U Soso Tham Auditorium deiwa emlang u Deputy Chief Minister, u Sniawbhalang Dhar wa ki sahep ka chnat Transport.
U Conrad da khana u wa kani ka MeghGo App man ko neibynta kiwa kamai Taxi nadooh i ar chaka, ki le chaka wa soo chaka yow suk ki bru wow chim kari wa kynthup ya kiwa wan uiñke suwari.
Da khana u wa ka sorkar u pynyabi ko hadooh 3000 tylli ki Homestay wa kani ka MeghGo App iwa mut wa manda Book thaw sah ki bru ye ki leh wow Book deilang ki kari. Hadien won daw pynemkaam leh ya kani ka App yow ye kiwa rep wow phah kari Pick-up yow kit ya ki mar yong ki wei daw pyrchang leh yow thap deilang ki kari Cold Storage Vehicles.
Deiwa pynemkaam da kani ka App man ko leh iwa chngaaiñ ya kiwa lai wa wan neibhah da tip lut yei pyrtuid uwa yah kari, ka jait kari, i Number kari wa kiwi de.
Kani ka App toh kawa ye u pynemkaam da ka ktien English, Khasi, Garo wa Hindi wei kiwa kamai kiwa pynemkaam ym hap ki wow su bai Commission tangwa hap ki wow su Rs. 15 neibynta ki Bike, Rs. 20 ya ki Auto wa Rs. 35 neibynta ki soo chaka chi sngi. Ka poisa wa pynmih neini daw pait da ka Society ka sorkar yow pynyoh Insurance kamjooh wow e ki khusnaam ya kiwa lehbha namo ki Performance Rewards.





Discussion about this post