Ka Jaiñtia National Council (JNC), lyngba u General Secretary, u Wanshwa Suting, da beiñ ko ya u Deputy Chief Minister ka jylla, u Prestone Tynsong uwa da nujor ya kiwa sikai kiwa yakhih kam kiwa da pyut.
Da ong ko wa i klam u Prestone man i i wym ye u pdiang wei man i leh iwa beiñ ya kiwa sikai kiwa da dohyap neibynta ka imlang sahlang.
Ka JNC da pynkynmoo ko wa ki Minister, ki sahep sorkar wa kiwa mihkhmat sorkar poi ki cha ka kyrdan ki katni toh nei yahluti kiwa sikai.
Chooh chooh ka JNC da kylli ko kammon ka Meghalaya kawa kwah u pynmih ya kiwa mihkhmat, ki sahep, ki bru chemphang lada ym burom won ya kiwa sikai.
Ka JNC da dawa ko na u Prestone wow paan maap u na kiwa sikai waroh deiwa kyntu ya ka sorkar NPP wow pyndep wei pynbiang yeiwa dawa ka Khasi-Jaiñtia and Garo Hills Deficit Teachers.
Ka seiñ da maham ko leh wa lada kiwa mihkhmat ym ye ki wow ap wei burom ya kiwa sikai emkaam u pyrkhat ki lada ye sakhiat ki wow neh ha ka chuki chakri paidbah.





Discussion about this post