Ha ka 21 tarik uni u bnai da pynkha ya ka seiñ thymme wa tip kam ka Jaintia Revolutionary Council (JRC) heiwa da pynskem wei pynsmai ya kiwa kitkaam wa nyngkong yong ka ha ka yalang wa da khut da ka Central Executive Committee(CEC) ha MM Hall Mihmyntdu, Jowai.
Ha kani ka sngi da emlang u Tbn. MM Schiang uwa da yahkhmat wow pynsmai ya kiwa kitkaam wa nyngong ka seiñ deilang ki dkhot ka Central Executive Committee wei da e u leh i kyrkhu kyrdoh ya kiwa kitkaam wa i sneiñ i kroo yow man kiwa chlur hawa chim yaleh ya kawon kawon ka kaam wa ktah ya ka ri wa ka jaitbru wei wow man leh ki bru wa tipbru tipblai wei wow man kiwa sñiawkhian.
Ha kani ka sngi da yoh leh yei klam tbian na u Paila Lyngkot uwa da e mynsien ya ki dkhot wow man ki kam u khlawait u Kiang Nangbah uwa em i kitkhlieh ya ka mynried ka ri wa ka jaitbru yong i.
Kiwa kitkaam ka Jaintia Revolutionary Council man ki kamni:
President: Leo F. Suiam
Vice President: Artist Sari
General Secretary: Heipormi Sayoo
Assistant G.S.: Deibormi Sungoh
Organising Secretary: Teibormi Sayoo
Education Secretary: Leki Sutnga
Publicity Secretary: Banteishwa Papeng
Sports Secretary: Ricky Passah
Office Secretary: Wandame Lyngdoh
Disciplinary Secretary: Seibor Sutnga
Da em leh 58 ngut ki khon khynroo na kylleiñ ka ri-loom Jaiñtia kiwa da wan psiah wei kiwa da chim yei kyntien smai ha kani ka pynskem ya ka seiñ.
Hadien ini da yoh leh yei klam na u President yong ka seiñ, u Leo F Suiam uwa da klam hajrong ka yurim wa da sdang ya ka Jaintia Revolutionary Council deiwa ban joor wow man kiwa yieñ skem ha ka yurim wow man kiwa yatylli hawa yada ya ka ri wa ka jaitbru.
Da pynkut ya ka yalang da ki kyntien khublei na u K. Hadem wei ya ka yalang da pynlai da u Artist Sari uwa man kam u Vice President yong ka seiñ.
Discussion about this post