U Wailadmiki Shylla uwa man u MLA ka Jowai, da ong u wa i wan u Commissioner Secretary ka chnat Finance wa Urban Affairs, u Dr. D. Vijay Kumar cha Jowai ynnin ka sngi man iwa miat bha khamtam heiyatoh waka Jowai Municipal Board (JMB) khang wow ye u wanrah ya i khooid i jngiar.
Da ong u wa da yaklam heiyatoh wa i thaw noh-jhep namo ka Landfill iwa dang lai chaphrang wei kyrmen skem u wow ye u yoh noh ya i thaw wei man iwa eh wei iwa heh hei lut.
Da ong u wa neiliang u Kumar da kular u wow pynlait ya ka poisa wa kyrpang namo ka Special Fund neibynta i jhep ha Jowai.
Chooh chooh u Wailadmiki da kyrpaad u na u Kumar heiyatoh wa ka tulop kiwa kreh khnang wow yoh chwa ya ka poisa wow ye u su ya ka tulop kiwa kreh ha i por wa biang wei wa man ki kiwa kreh chitom. Yeini neiliang u Kumar da kular u wa chwa ka Puja daw ye u pynlait ya ka poisa.
Heijooh i por da pyntip u wa da sdang ya ka Selection Board wow thung kreh hapoh ka JMB.
Discussion about this post