U montri ka chnat puræ puthi ka sorkar pyrdi, u Ramesh Pokhriyal ‘Nishank’ ynne da sdang u ya ka Task Force wow pyrkhat wow esikai (Imparting Technical Education) hei ktien yong-i dæ namo ka Mother Tongue.
Kani ka Task Force toh kawa da chongknor da u Secretary, Higher Education wei daw chim ya ki buit ki budia wa tyrwa da ki bru wei daw pynkhreh ya ka bui (Report) hapoh chi bnai.
Ya kani ka rai da chim ha ka High Level Meeting on Imparting Technical Education in Mother Tongue heiwa da embynta u Secretary Higher Education, u Amit Khare, ki IIT Director, Academician wa ki sahep na ka Ministry heiwa da ban joor leh wow pynkrehkaam noh ya ka NEP- 2020.
U Pokhriyal da ong u wa kani ka yalang toh katkam i angnood u montri rangbah dooh ka ri hei wow wailaad ya ki khynnah u puræ Doctor (Medicine), Engineering, Law wa kiwi kiwi ha ki ktien yong ki hi namo Mother Tongue.
Da ong u wa jni ymtoh wow pynbor ya ki khynnah tangwa daw yarap i ya ki khynnah kiwa em i duna hei tip ya i ktien pharæng (English Language).
