Da sdang ya ki laad yarap ya ki warep wei wow pynneh pynsah ya ki tyllong um deiwa pynlut Rs. 400 klur

U Montri Rangbah ka jylla, u Conrad Sangma ynne da wai paidbah u yaka MegARISE waka Meghalaya State Organic Mission 2.0 wei da saam leh yaka poisa hapoh ka Green Meghalaya waka FOCUS.

Kini toh ki laad yarap ya ki warep kamjooh yaka bei rym-aw kiwa da booh bhah Rs. 400 klur yow poi cha ka thong.

Ka MegARISE toh yow yada ya ki tyllong um kiwa ye u chah ktah kawa man leh kam chibynta ka State Water Policy kawa pynkreh hapoh ka Meghalaya Project wei ya kani daw pynkrehkaam deiwa booh bhah Rs. 344 klur yow yarap e sikai ya kiwa chong chnong, u yada ya ki khloo ki kjam deilang wa ki tyllong um yow e laad kamai ya kiwa chong wa sah hajan kini ki tyllong um.

Ka Meghalaya State Organic Mission 2.0 toh yow pynkylla wei pynneh ya 100,000 Hectare i thaw yow yahaap ki waka National Programme for Organic Production (NPOP)-Certified Organic Cultivation kat hadooh u 2029 yow pynku yei nong ki warep da ar chah deiwa pynboon yeiwa ye ki u pynmih, u pynyoh yei dor ki mar wa biang wei wow pynmih ya ki mar wow dai.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Montri Rangbah da wai u leh lyngba ka Internet ya 12 tylli ki karkhana namo ki Processing Unit wa 3 tylli ki Cold Storage ha kylleiñ ka jylla hapoh ka Meghalaya NEXT.

Ya kini ki karkhana u mantre wei pynkrehkaam da ki warep wei da sdang ya ki yow yarap ya ki warep wow yoh myntoi deiwa khlem dooh nong manda jia wa pyut yow lait u sepai ki mar rep deiwa pynchna ki cha ki mar baam.