U montri ka sorkar pyrdi uwa pait ya ka chnat Agriculture & Farmers Welfare, Rural Development & Panchayati Raj and Food Processing Industries, u Narendra Singh Tomar ynne da pynlait u ya ka AYUSHMAN SAHAKAR, ka Scheme wow yarap ya ki Cooperative Society wow sdang ya ki kreh wa yatoh wa i chait i khiah (Healthcare Infrastructure) ha ka ri lyngba ka National Cooperative Development Corporation (NCDC) hapoh ka Ministry of Agriculture and Farmers Welfare.
U Tomar da pyntip u wa ka NCDC daw e ko ya ka ram ya ki Cooperatives kawa kynjoh hadooh T. 10,000 klur ha ki snem wow wan deiwa ong wa ka khlam COVID-19 da wanrah ko yei pyrkhat hajrong ini wei wow pynjanai yei rukom sumaar khamtam neibynta ki warep.
U Sundeep Nayak uwa man kam u MD ka NCDC da pyntip u wa em 52 tylli ki Hospital ha ka ri ya kiwa pynlai da ki Cooperatives wei waroh em ki palat 5,000 tylli ki pyllong.
Kani ka Scheme ka NCDC u man ko katkam ki kyndon ka National Health Policy, 2017, wow chakri ya ki paidbah ha kiwa boon ki liang nadooh ki rukom e sumaar, ki Medical Education, Nursing Education, Paramedical Education, Health Insurance wa kiwi kiwi.
Kiwon kiwon ki Cooperative Society kiwa biang ki kyndon krehkaam (Byelaws) wow kreh ha kani ka bynta, daw ye ki wow yoh yarap poisa na ka NCDC wei kani ka Scheme u lai ko lyngba ki sorkar jylla wa ki sorkar Union Territory.
Ki kreh u kynthup ki wow sdang (Establishment), pynthymme (Modernization), pynheh (Expansion), chna pynmiat (Repairs) ya ki thaw sumaar wa ki thaw esikai heiyatoh wa i chait i khiah.
Ki kaam ye ki u yatoh wa ki Hospital, Medical, AYUSH, Dental, Nursing, Pharmacy Paramedical, Physiotherapy College, Yoga Wellness Centre, Ayurveda, Allopathy, Unani, Siddha, Homeopathy wa kiwi kiwi.
Ya ka NCDC da sdang da ka aiñ ka Parliament ha u 1963 wow pynkhlan ya ki Cooperative Society wei hadooh katni da e ram ko hadooh T. 1.60 lak klur cha ki Cooperative Society.
