theme-sticky-logo-alt
theme-logo-alt
Advertisement ad1

Da tam 22 lak sien wa da e tika yada COVID-19 ha Meghalaya

I e tika yada COVID-19 ha Meghalaya ynne ka sngi da tam i 22 lak sien wei da chimpor 26 sngi heiwa naka 20 lak sien cha ka 21 lak sien da chimpor 14 sngi. Ini da mut wa deiwa kheiñ yonglang da em kamwa 3,846 ngut ki bru chi sngi wa wan chim tika chi sngi yow poi naka 21 lak cha ka 22 lak sien.

Ini leh toh deiwa kheiñlang ya kiwa 15-18 snem kiwa da sdang wow chim tika nadooh ka 3 tarik uni u bnai wa kitu kiwa chim yei tika pynkhlan yada iwa man i sien wa le wa chim yei tika iwa sdang nadooh ka 10 tarik uni u bnai.

Kiwa da yoh tika chisien waroh hapoh ka jylla da em ki 63.2% katwa kiwa da yoh la arsien da em ki 45.1%.

Ki District wa da em palat 1 lak ngut kiwa da yoh tika chisien toh ha East Khasi Hills (3,54,934), West Garo Hills (2,35,247), Ri-Bhoi (1,17,144) wa ha West Jaiñtia Hills (1,01,084) katwa kiwi ki District da tam ki 50,000 ngut lait noh ka South West Khasi Hills (36,471).

Ka East Khasi Hills waka West Garo Hills da man ki leh ki ar District wa da em palat 1 lak ngut kiwa da dep yoh tika la arsien.

Deiwa kheiñ won da ka Percentage kawa heh dooh toh ha South West Garo Hills 94.9% kiwa da yoh tika chisien iwa pynbood saka East Jaiñtia Hills 83% waka West Garo Hills 68.9% hei wa le.

Kiwa heh Percentage dooh kiwa da yoh tika la arsien toh ha South West Garo Hills 63.7%, ha East Jaiñtia Hills 61.1% waka East Khasi Hills 50.7% hei wa le.

Ynne ka sngi ha waroh ka jylla da e tika 4027 sien wa kynthup ya ki HCW (227), ki FLW (795), kiwa 18 snem chaneiñ (2036), kiwa 45 snem chaneiñ (337) wa kiwa 15-18 snem (632).

I yukheiñ e tika ha waroh ki District man ki kamni ha wah:

Share this:
Previous

Pynlait paidbah u Comingone Ymbon ya ka kot “Kaei ka Seiñ Raij…?”

Next

Da sdang sliah ya ka yingkieñ lai kjat wa em ha Jowai