I sliah ya ka yingkieñ lai kjat wa pynyabi ya ka skur St. Mary Mazzarello Girls Higher Secondary School wa ka Marian Hill Higher Secondary School wa em hajrong u sarok Loomsooyung, Jowai kawa da booh tarik wow sliah ha ka 04-12-21 tangwa da hap wow pyndam chwa, ynne i miet ka 15 tarik da sdang yei kreh wow sliah noh ya ka.
Kani ka yingkieñ kawa da sdang sih wei da baam sarang da booh ko hei maa ya kiwa lai wa wan wa ye u haap i bynta yong ka kamjooh leh ya kiwa pynemkaam ya ka. Da mih leh i dawa na ka Synjuk ki Waheh Chnong Jowai kamjooh na ki seiñbhalang wow tympra noh ka yow lait nei jia wa sñiawsih.
Katkam wa da pyntip, i sliah ya kani ka yingkieñ u leh du heipor miet donhi hadooh wa ye u pyndep lut waroh.
Da booh leh ya ka No Entry nadooh na Stand Indica Jowai-Shillong wa neiliang wa wan na Newhill hajan ka Gate ka skur Marian Hill.