Da thung biang ya ki 8 ngut ki Dolloi wa chah pyndam kreh chipor ha ka JHADC

Jowai: U CEM ka JHADC u Moonlight Pariat ynne ka sngi da thung biang u ya ki 8 ngut ki Dolloi kiwa da chah pyndam kreh chipor nadooh u Naichiphaw 2016 hadien wa pynkrehkaam ki ya thaw khrong dan kawa ym em yoh bor naka JHADC hapoh ka seiñ ki Dolloi wa tip kam ka Ka Dorbar ki Dolloi ka Ri Jaiñtia.

I thung biang ya 8 ngut yow man biang ki kam ki Dolloi wa pura da leh hadien wa ki Dolloi da pyndam ki ya ka mukotduma wa yaleh pyrchah ya ka JHADC haka Meghalaya High Court haka 22-11-17 wei ynne ka sngi da ya soi soskular kawa tip kam ka Deed of Comprise.

Ha kani ka soskular ki Dolloi da mynjur ki wow kreh ki katkam ka aiñ ka JHADC kawa tip kam ka Jaiñtia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Shnong) Act, 2015 wei lada leh pyrchah ki daw pyndooh ya i kyrdan yong ki chirta.

Da khang leh ya ki Dolloi wow chna ki kawon kawon ka seiñ ka wow kreh pyrchah ya ka JHADC.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ki Dolloi kiwa da chah thung biang man ki kamni ha wah:

1. Chawas Lyngdoh- Dolloi Elaka Raliang,
2. Moonlight Garod- Dolloi Elaka Nangbah
3. Erodit Sutnga- Dolloi Elaka Sutnga
4. Jemiwell Pyrtuh- Dolloi Elaka Amwi
5. Khambun Sariang- Dolloi Elaka Chilliang Myntang
6. Oldwing Chadong- Dolloi Elaka Lakadong
7. Cospiusness Daw- Dolloi Elaka Nongjngi
8. Daman Lakashiang- Dolloi Elaka Satpator