Da thung da ka Expert Committee yow pait hadooh katwon ktah ki karkhana Coke ha Elaka Sutnga: James

U Montri ka chnat Forest & Environment ka jylla, u James PK Sangma ynne da pyntip u wa ka sorkar jylla da thung ko da ka Expert Committee yow pait hadooh katwon pyntngit pynjakhlia ki karkhana Coke wa em hapoh ka Elaka Sutnga, East Jaintia Hills.

Hawa yaklam wa kiwa thoh khubor, u Montri da ong u wa kani ka Expert Committee ym pu em u phah ko ya ka bui (Report).

“Ym toh u jhan u rai yei ktah i jakhlai, i tngit wa mih na kini ki karkhana Coke. Toh u yang hadooh wa yoh ya kani ka bui ka Expert Committee,” da ong u James.

Chooh chooh da ong u wa yow tip hadooh katwon sakhait i ktah kini ki karkhana toh u man ko katkam ka sabut wa chem dei stat sayan.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

“Mana ye kani ka bui wow pynche ya ini waroh daw pait leh iyi u leh ya ki karkhana wa da krehkaam pyrchah ya ka aiñ,” da pynrap u James.

Da khana u leh wa da phah ya u Deputy Commissioner wow khang syndon ya ki karkhana wa krehkaam pyrchah ya ka aiñ.