U Symbood Montri Rangbah ka jylla, u Prestone Tynsong da pyntip u wa ka sorkar jylla da thung ko da ka Judicial Commission of Inquiry wa da khlieh da u Justice (Retd) T. Vaiphei yow takit yeiwa jia ha Mukroh haka 22 tarik uni u bnai.
Da ong u wa ka sorkar da lai ko chakhmat wow leh yeini wei ka sorkar pyrdi leh da pynmih ko ya ka hukum yong ka wei da yooluti u wa kani ka Commission daw e noh ko yaka bui (Report) ym slem de.
Da pyntip u wa ki pulit da dep ki wow Register Case heiyatoh wa iwa jia ha Mukroh wei ka Special Investigation Team (SIT) wa khlieh da u u DIG (Eastern Range) da sdang ko yei takit.
Da ong u leh wa da yooluti wa ka SIT ha kini ki sngi wow wan daw kem noh ko ya kitu ki bru wa emkti wow pynyap ya ki 5 ngut kiwa chong chnong ka Mukroh. Wei daw pyntikna leh wa kitu kiwa emkti daw chah pynngat ki ha ki kyndon ka aiñ.
Hawa kylli yei dawa ki seiñ kiwa yakhih hapoh ka Save Hynniewtrep Mission (SHM) wa yei bichaar hadien ka takit ka CBI toh u pynman ha Meghalaya, da ong u wa ini wa jia da jia i ha Meghalaya wei daw bichaar leh ha Meghalaya hi.
