Da thung ya ka Dr. Joram Aniya na Arunachal kam ka dkhot ka NITI Aayog

Ka Dr. Joram Aniya na Arunachal Pradesh da chah thung ko kam ka dkhot wa pura ka NITI Aayog, kawa man ka sien wa nyngkong wow embynta ka bru na katai ka jylla ha ka chnat wow pyrkhat ya ki mat krehkaam ka ri.

Yei thung ya ka Dr. Joram toh iwa da pynmih hukum da ka Cabinet Secretariat deiwa kdaw wa da thung ya ka deiwa mynjur u Prime Minister Narendra Modi.

Chirup wa ka Dr. Joram da thung leh ya u Dr. R. Balasubramaniam kam u dkhot wa pura ka NITI Aayog.

Ka Dr. Joram man ko kam ka Head of the Department of Hindi ha Dera Natung Government College, Itanagar wei da em ko hei kaam sikai la 18 snem. Da man ko leh ka kynthai wa nyngkong na ka jaitbru Nyishi wow yoh ya ka Ph.D wei kawa nyngkong wow yoh Ph.D ha ka ktien Hindi na ka jylla.

Related posts

Hawa wai ya ka Saturday Super League ka KNGC pynbna u Wailad wow chna madanbol wa Basketball Court ka College

May 3, 2026

Hap su Fine uwa dat ya uwa na Assam ha Shillong | Yasuk ki para wa kamai kari

May 3, 2026

Neiliang u Chief Minister ka Arunachal Pradesh, u Pema Khandu da e khublei u ya ka Dr. Joram heiwa da ong u wa ini man i i kaam wa sarong ym du ya ka jylla tangwa ya waroh kawi ka Northeast.

I thung ya ka Dr. Joram toh hadien wa thung ka sorkar ya ka NITI Aayog ha ka 24 tarik u April heiwa u Ashok Kumar Lahiri u man u kam u Vice Chairman wei ki dkhot kynthup ki ya u K.V. Raju, AIIMS Director, u Dr. M. Srinivas wa u Cabinet Secretary warim, u Rajiv Gauba.

Ka NITI Aayog toh ka chnat wa ha khlieh ka ri wow pyrkhat ya ki thong krehkaam ka sorkar India, ka wow kreh chirup wa ki sorkar jylla wow wanrah ya ki kaam pynroi wa kiwi.