Ka Saturday Super League 2026 wa nyngkong yong ka Kiang Nangbah Government College (KNGC) da sdang ka ha ka 2 tarik uni u bnai May 2026 hajrong ka phang namo ka Theme wa ong ‘Saturday Spirit, Champion Mindset Choosing Over the Drugs’ wei da wan wow wai pyrda ka da u Wailadmiki Shylla, Montri ka chnat Sports & Youth Affairs kam u kongsan.
I pynman ya kani ka League man ko kam wow pynku ya kiwa lai puræ ha ki kaam yalehke najrong i khreh kot wei u man ko leh kam ka laad wow yaleh pyrchah yei pynemkaam Drugs.
Neiliang u H. Toi, Principal yong ka College hawa e yei klam pdiang burom, da e khublei u ya ka Sports & Khelo India Committee kawa da chim ya kani ka luti hei sien wa nyngkong wow pynman kam kani ka yalehke kawa pynka-it kasar ya ki khynnah ka College.
U Dr. D. Suchiang, Secretary ka Khelo India (KNGC) da e khublei u ya ka sorkar wa ya u Principal ka College wa da wai lut u ki luti wow pynman ya kani ka Leaque.
Neiliang u Wailadmiki Shylla da kyntu u ya kiwa lai puræ wow chimkhia ya ki kaam Sports wei da pynbna paidbah u wa daw pynchna ka madanbol wa Basketball Court deiwa booh bhah Rs. 3 klur yow pynku ya ki kaam yalehke hapoh ka College.
Discussion about this post