15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da thung ya u Bishop ka Jowai u Victor Lyngdoh kam u Archbishop ka Shillong

Advertisement ad1

U Bishop ka Jowai Diocese u Most. Rev. Victor Lyngdoh da jied ya oo kam u Archbishop ynne ka sngi heipor 4:30 i janmiet.

Katkam ka chithi wa da thoh da u Fr. John Madur, Diocesan Administrator, ya ini da pynbna da u Pope Francis ynne ka sngi.

U Victor Lyngdoh da chimkti u kam u Bishop ka Jowai nadooh u Khonchonglad (Nov), 2016 heiwa da wan pynskem ya oo da u (L) Most Rev. Dominic Jala haka 20-11-16. Wei hachwa ini da chakri u yaka Nongstoin Diocese 11 snem nadooh u 2011 hadooh 2016.

Kam wow pynkynmoo wa hadien wa khlaad u Most Rev. Dominic Jala heipor wa man u kam u Archbishop ka Shillong Arch Diocese ha u Naichiphaw 2019, ini i kyrdan da man i iwa thylli hadooh ynne ka sngi.

Ya u Bishop Victor Lyngdoh uwa em 64 snem katni da kha ha ka 14-01-1956 ha chnong Wahlang, East Khasi Hills District, Meghalaya. Da psiah u cha ka St. Paul’s Seminary ha Shillong heipor wa lai puræ u ha St. Gabriel’s Higher Secondary School. Hadien ini da lai puræ Philosophy u ha Christ King College, Shillong wei da pyndep u yaka Regency ha St. Francis Xavier Church, Mawsynram. Hadien ini da psiah u cha ka Sacred Heart Theological College ha Mawlai. Da pynkyntang ya oo kam u phadar ha ka 25-01-1987.

Da jooh man u leh ha u 1987-1990: Assistant Parish Priest, Resurrection Church, Pynursla; 1988: lai puræ Audio-Visual for Evangelization ha Christu Jyoti, Bangalore; 1991: Assistant Parish Priest, St. Joseph Church, Mawkhar, Shillong; 1991: lai puræ B.Ed. ha College of Teacher Education, Shillong; 1992-1994: Parish Priest ha Blessed Sacrament Church, Laitlyngkot wa Headmaster ha Laitlyngkot High School; 1994-2000: Parish Priest ha St. Paul’s Church, Upper Shillong wa Principal St. Gabriel’s Higher Secondary School; 2001-2005: Mission Procurator, Shillong Archdiocese; 2003-2005: lai puræ M.Ed. ha Madurai Kamaraj University; 2005: Renewal Course ha Sadhana Institute, Lonavala; 2005-2006: Parish Priest ha Mary Help of Christians Cathedral, Shillong; 2006-2016: Bishop ka Nongstoin; 2016: Bishop ka Jowai.

Share this:
Previous

Da ki kymmor lai e yarap ka HYC ya ki manyung ka Madanrting

Next

Pynhær lama ki 8 tylli ki Beach ka ri kiwa yoh yaka International Blue Flag Certification