15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynhær lama ki 8 tylli ki Beach ka ri kiwa yoh yaka International Blue Flag Certification

Advertisement ad1

U Minister ka Environment, Forest & Climate Change ka sorkar India u Prakash Javadekar ynne ka sngi lyngba ka Internet da pynhær u ya ki lama International Blue Flag ha ki 8 tylli ki Beach hapoh ka ri kiwa da yoh yaka chap International Blue Flag Certification haka 06-10-20 hadien wa jied wei da bichaar da ki dkhot ka UNEP, UNWTO, UNESCO, IUCN, ILS, FEE wa kiwi kiwi heiwa ya kiwa jop da pynbna ha Copenhagen, Denmark.

I yoh ya ka Blue Flag Certification toh iwa tipmit da ka pyrthai iwa e da ka “Foundation for Environment Education in Denmark” deiwa bichaar hajrong ki 33 tylli ki kyndon.

Hawa e khublei ya ki jylla, u Javadekar da ong u wa i khooid ki Beach toh iwa pynyoo yei chait i khiah ki rood duriaw iwa da pynsakhiat deiwa yoh yaka Blue Flag Certification.

U Environment Minister da ong u wa daw em chooh da ki spah tylli ki ki Beach kam ki Blue Flag ha ki 3-4 snem wow wan iwa man leh kam chibynta wow pynduna yei pyntngit ya ki rood duriaw.

Ki Beach wa yoh wei da pynhær ya ki International Blue Flags toh ka Kappad (Kerala), Shivrajpur (Gujarat), Ghoghla (Diu), Kasarkod & Padubidri (Karnataka), Rushikonda (Andhra Pradesh), Golden (Odisha) wa Radhanagar (Andaman & Nicobar Islands). Ya kini ki lama da pynhær heijooh i por da ki jar jiar ki montri ki sorkar jylla wa Union Territory.

Share this:
Previous

Da thung ya u Bishop ka Jowai u Victor Lyngdoh kam u Archbishop ka Shillong

Next

T. 6000 klur da pynlait cha ki jylla yow pyndap yeiwa duna wa mih naka GST