Ka All India Congress Committee lyngba u General Secretary yong ka, u K.C. Venugopal, MP ha ka kyrwoh wa da phah da pyntip u wa ka President ka Congress da jied ko ya u Vincent H. Pala, MP wow man noh u kam u President ka Meghalaya Pradesh Congress Committee chisyndon.
Ka President ka Congress da jied ko leh ya ki wow man ki kam ki Working President kiwa man kamni ha wah:
- Ka Ampareen Lyngdoh, MLA
- U Marthon Sangma, MLA
- U James Lyngdoh
Ka Party da pynsñiaw ko yei sñiawngooh yeiwa da leh u President warim u Dr. Celestine Lyngdoh.
Ya ka Ampareen Lyngdoh da pyndam noh yeiwa ksoh ko kam ka Secretary, AICC.
