U heh ka Liang Pyrchah ha Meghalaya uwa man leh u MLA ka All India Trinamool Congress (AITC), u Dr. Mukul Sangma da ong u wa em kamwa 4 ngut ki MLA ka AITC kiwa thmu wow yut noh na ka Party chwa ka Election MLA 2023, heiwa da pynrap u wa 2 ngut na kini toh kiwa da tikna.
Da ong u wa hanla dang emlang ki tangwa lada kiwa ymye wow jop ya ka Election ym em yumut, neibhah ym mut wa du wa man MLA ki katni daw jop biang ki. Da khana u wa napyrdi kini ki MLA kiwa em ha ka AITC katni, kamwa 4 ngut da e dak ki wow mih lada ym tikna ki wow yoh Ticket, wei da thmu ki wow thooh laad chawi, wei na ki 4 ngut 2 ngut toh kiwa da tikna wow mih na ka AITC.
U Dr. Mukul da ong u wa em boon ki MLA kiwa thmu wow mih bait chwa ka Election, na ki Party wa em ki, lada na ka NPP, UDP næ na ka AITC wei ini ymtoh iwa phylla.
Chooh chooh da ong u wa kiwa boon ki MLA sñiawtieñ ki wa ym jop de ki wei kiwa boon na kini toh kiwa em ha ka sorkar. Da ong u leh wa palat chiteiñ (Two-Third) ki MLA kiwa em hei maa wym chah jied de, wei lada em ka Election katni, palat chiteiñ ki MLA kiwa em katni daw chah pynrem ki.
