I lai psiah ka PDF cha ka NPP yow man kam kawi da yoh noh yei tipmit ynne heiwa u Speaker ka Meghalaya Assembly, u Thomas A. Sangma da e kti u ya ka chithi yow tipmit ha ki MLA ka PDF, u Gavin Miguel Mylliem wa u Banteidor Lyngdoh.
Neiliang u Gavin da ong u wa da wan ki wow chimkti ya kani ka chithi yow yoh noh yei tipmit ya ini i emlang noh kam kawi waka NPP yow pyndep noh ya ini i kaam katkam ki kyndon ka aiñ hapoh ka Paragraph 4 ka Tenth Schedule wei yeini i tipmit da kheiñ nadooh ka 5 tarik uni u bnai.
Katkam kani ka kyndon, da lait kini ki MLA nei chah pyndam man kam kiwa mihkhmat paidbah wei kini ki arngut u kheiñ noh ki kam ki MLA ka NPP kattu.
