Da tipmit ya uwi na ki soo ngut wa chah tynyap ha Umpleng

Heiyatoh wa i chah tynyap khiar ki soo ngut ki bru iwa da jia ha Umpleng, East Jaiñtia Hills, neiliang u SP ka District da pyntip u wa ynne i step heipor kamwa 7:30 da em wa Phone cha u In-Charge ka Umpleng AD Camp wa da chem yei metyap ki soo ngut ki bru wa em hadien ka yaaw Umpleng.

Neiliang ki pulit da lai ki wut-wut cha ini i thaw wei da chem ya i metyap ki soo ngut ki bru kiwa da chah kdoh ki kit kiwa da em booh ki kha hei dor i pran ki wei da antaad wa da pynemkaam da ka tiar wa nep wow leh yeini.

Kamtæ da phah ya ka Crime Scene Unit (CSU), Mobile Forensic Crime Scene Unit wa u Magistrate yow pynlang ya ki sabut wei wow leh ya kiwi de kiwa emkaam.

Ya ki metyap da kit cha Khliehriat Civil Hospital yow leh Post-Mortem.

Related posts

Chem drugs ki pulit napoh ka kari wa chah ieh ha Jowai Bypass

May 7, 2025

Yoh kem drugs ki pulit ka East Jaiñtia na kawi ka kynthai

May 5, 2025

Kamwa man kattæ da tip yei pyrtuid yong uwi na kini kiwa khlaad uwa tip kam u Ravi Rai (23 snem) uwa man u khon ka Devi Rai kawa na Pastha Elam, Nepal.

Heiyatoh wa ini wa jia, neiliang ki pulit da thung ki da ka Special Investigation Team (SIT) yow yarap ya u Investigating Officer yow pyndep yei takit.