Jowai: U National President ka NPP u Conrad K Sangma uwa man leh kam u montri rangbah ka jylla ynne ka sngi da pdiang u yaka chithi na u National General Secretary u Sh. Thomas Sangma, MLA wa da tipmit yaka NPP kam ka National Party hapoh ka ri wa da yoh naka Election Commission of India (ECI).
Ka NPP da man ko ka seiñ saiñ hima wa nyngkong napoh ka thaaiñ mihsngi ka ri wow yoh ya ini i tipmit naka (ECI).
Neiliang u Conrad da e khublei u ya waroh kiwa kyrchaan yaka Party wei da kynmoo tympang u ya u pa u u (L) Purno Agitok Sangma uwa da seiñ ya kani ka Party deiwa ong wa ini man ko ym du kam u moomer yaka Party kamjooh leh yaka thaaiñ mihsngi waroh kawi.
Chooh chooh da ong u wa ini daw e mynsien e bor ko ya ki dkhot ka NPP wow kreh ki ya ki kaam wa bha neibynta ki paidbah.
Yaka NPP da tipmit yaka kam ka State Party haka jylla Meghalaya, Manipur, Nagaland wa Arunachal Pradesh iwa da pynman yaka wow yoh yaka kyrdan National Party.
Discussion about this post