15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da toh i por wow pyndam yei thang khloo yow pynneh ya ka rymaw wa kiwa im ha ka: CCF

0 Comments
Advertisement ad1

Jowai: Ka yungkrehkaam ka Divisional Forest Officer, Social Forestry Division, East Khasi Hills District deilang wa u District Nodal Officer, Cum Convener, TSG ka South West Khasi Hills da pynman ko ya ka yalang wow lehkmen ya ka “International Day for Biological Diversity” namo ka sngi wow pynneh pynsah ya waroh ki jait mrad wa im hapoh ka rymaw kawa pynman ha skur Balang Walangwir Higher Secondary School, Mawkyrwat ynnin ka sngi.

Ha kani ka sngi uwa mihkhmat ka Biodiversity Management Committee (BMC) ka chnong Nonglang na SWKH da ong u wa i pynneh pynsah ya ka rymaw, ki sim ki doh wa waroh wa chaniah haka toh iwa emkaam dooh ha ka juk kawa katni wei emkaam bha u pynsñiawthooh ya ki paidbah yeini waroh.

Advertisement ad1

Neiliang ka DC ka SWKH ka I. Laloo da ong ko kiwa wanrah yei ma ya ka rymaw toh na ki kaam wa leh u bru kam i thang khloo, i ah ya ki dieñ iwa da wanrah yei kylla ya ka suiñ bneiñ heiwa da sdang chit ka pyrthai iwa da booh hei ma ym du ya ki mrad kamjooh ya ki mrad wa ri hadooh ki mar rep.

Da ban joor ko wa emkaam u pynneh pynsah ya kiwa da e sbun ka rymaw wei wow pynboon ya ki khnang yow yohlaad leh ki juk wow wan u pynemkaam ki.

U kongsan ha kani ka sngi u PS Nongbri, IFS Chief Conservator of Forests (CCF) Social Forestry & Environment, Meghalaya, Shillong hei klam yong oo da ong u wa hapoh India da em 45,000 tylli ki jait dieñ jait phlang wei na kini 15,000 tylli toh kiwa em du hapoh Meghalaya donhi.

Da klam u yeiwa emkaam wow pynneh ya ki dieñ ki phlang wa man kam ki dawai da e nongmuna u ya u “Dieng Japung” u “Taxcus Baccata” uwa ye u yarap ya kiwa kjut Cancer heiwa ki sla uni u dieñ toh kiwa ye u pynemkaam kam i dawai.

Da klam u leh chaphang ki syntu Orchid kiwa em 600 jait ha ki jylla ka thaiñ mihsngi heiwa na kini, 325 tylli toh kiwa em hapoh ka jylla Meghalaya donhi.

Da pteiñ u deiwa khana chaphang kiwa boon ki jait mrad kamjooh ki dakha wa em hapoh ka ri kamjooh hapoh ka jylla wei da pynkut u deiwa ong wa da toh por u pynwiar jait noh yei thang khloo wei yeini u ye u leh du deiwa krehlang ki chnong yow pynsñiawthooh yei sih wa mih nei thang khloo.

Share this:
Previous

Maham ka AJSU ya ki dkhot kiwa dawa poisa na ki paidbah wa kiwi kiwi

Next

Da ka ram haap chim u Hameshaniah Suiam wow yoh u lai yakhun cha Russia