theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Da u Kennedy Khyriem u pynyieñ ka NPP na Mawphlang 

Advertisement ad1

U MLA warim ka Mawphlang uwa man leh uwa yahkhmat ka Indian National Congress ha Meghalaya, u Kennedy C Khyriem da lai psiah noh u cha ka National People’s Party (NPP) ynne ka sngi ha ka yalang wa pynman ha Mawphlang, wei ha kani ka sngi u President Rangbah ka NPP uwa man leh u Montri Rangbah ka jylla da pynbna syndon u ya u Kennedy kam u kyrtong ka NPP na Mawphlang ha ka Election MLA 2023.

Ini i pynbna yong u Conrad ya u Kennedy kam u kyrtong toh hadien i sñiawthooh yumut wa u MDC, u Lamphrang Blah uwa da kohngooh wow e laad ya u Kennedy wow yakhun ya ka Election MLA ha u snem 2023 na Mawphlang, wei neiliang uwa yahkhmat wa ha khliehdooh ka NPP da pynbna u yei sñiawngooh yeini i leh yong u MDC uwa da yakhun leh ya ka Election MLA chiteiñ samoi na ka NPP.

Hawa klam ha ka yalang, u Conrad da ong u wa kiwa yahkhmat ki wym jooh yaklam wa kiwa yakhun pyrchah ha ki por wa da dep, katni da chong lang ki ha ka jooh ka rynsan, wei ini da jia i neibhah wa ka NPP ka em ko ya kiwa yahkhmat kam u Prestone Tynsong uwa da ye u pynsñiawthooh ya kiwa kyrchaan wa ya u Kennedy wa ya u Blah.

Hawa klam ha kani ka sngi, u Kennedy da ong u wa i daw wa da chim u yei rai wow psiah noh cha ka NPP toh hadien wa da yaklam ya syllok wa ki lok wa kiwa kyrchaan, kiwa boon kiwa da pynsñiaw wa toh u psiah noh cha ka NPP.

Share this:
Previous

Pynmih ki pulit da ka Look Out Notice ya u Bernard Marak

Next

80% na kiwa kyrchaan O kwah ki wow psiah noh cha ka NPP: Kennedy