Da wai paidbah ya ka thaw paitke yong ka Kchaaid Rymphum ha Jowai

Jowai: Ynne ka sngi u CEM ka JHADC u MB Rymbai da wai paidbah u ya ka thaw paitke yong ka Kchaaid Rymphum kawa tip leh kam ka Khlieh Rymphum Tourism Project kawa da chna hei lut wa kynjoh T. 25 lak.

Ya kani ka thaw paitke da wai ha ka yalang wa tbian kawa da pynlai da u Pyrkhat Shylla, hei emlang u dkhot ka JTES uwa man leh u Under Secy. ka chnat GAD ka sorkar jylla, u MS Lhuid, u MDC ka Jowai North u Marki Mulieh, ka Chief Engineer ka JHDAC ka J. Pde, wa kiwi kiwi.

Kani ka kchaaid em ko hapoh i pait i yoo yong ki le tylli ki dorbar chnong wa kynthup ya ka Salaroh, Mookyrdup wa ka Dongmihsngi.

U MS Lhuid da kynmoo u ya ki por nachwa heiwa jooh man ko ka thaw kawa khooid tangwa manda lai ki por kani ka thaw da sdang tngit ko wei yooluti u wa hadien wa da chna pynmiat ya ka daw ye wow pynneh yei khooid wei miat dur yong ka.

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Marki Mulieh uwa man u MDC ka thaaiñ da ong u wa i chna ya kani ka thaw paitke man i kam chibynta i chakri yeiwa emkaam ki paidbah.

Kam u kongsan u Rymbai hawa e i klam da e yaroh u ya kiwa kreh ka JHADC khamtam ki sahep ka chnat CWD kiwa da chimkhia wow pynwandur wei wow chna ya kani ka thaw.

Da e khublei u leh ya ka sorkar pyrdi kawa e yarap palat yeiwa jooh cha ki District Council wow e chakri sak cha ki paidbah.