Ynne ka sngi, ka KSU Thangraiñ Unit kawa haap hapoh i pait ka KSU Shilliang Myntang Circle da yoh ko wow wai pyrda ya ka 1st Maitshaphrang Knock-Out Football Tournament 2022 kam chibynta wow kyntu ya ka kaam yalehbol hapoh ka chnong wa ka dong ka thaaiñ waroh kawi.
Ka seiñ da pynman ko leh ya kani ka Tournament ym du wow pynku ya kiwa em sap tangwa wow e mynsien leh ya kiwa da chah kdoh chah khoom ha ki jait dih wa har rukom.
Ya kani ka Tournament da pynman ha Madan Iawmuchai (Thangrain) wei da wan wow wai pyrda da u Agustan Timung uwa man u Organsing Secretary ka KSU-JHDU kam u kongsan deiwa ya emlang u Secretary Chnong, u Loadstar Nongjngi, u President ka Shilliang Myntang Circle, u Daeimi Liam, kiwa yahkhmat wa ki dkhot yong ka KSU Thangrain Unit wa kiwa chah khut sñiawbha.
Ha kani ka sngi da sdang da ka yalehke hapyrdi ka Eagle FC (Mynsngad) pyrchah yaka Turchaphrang FC (Thadbamon) heiwa ka Turchapharang da jop ko da 2-0.
Ka yakhun wa bood daw pynman ha ka 1 tarik u Khonchonglad (Nov).
