U Kansing Lyngshiang uwa da dep wow pynbna da ka seiñ Congress kam u kyrtong 5 bnai nachwa wow yakhun Election MLA ha u snem 2023, ynne ka sngi da lai psiah u cha ka seiñ National People’s Party (NPP), wei ha kani ka sngi u President rangbah ka NPP, u Conrad K Sangma da pynbna syndon u wa u Kansing u man u kam u kyrtong yong ka NPP na Mawkynrew Constituency.
Ha kani ka sngi lai kynthih u Kansing cha ka NPP, da ki hajar ngut ki paidbah da lai ki wow sakhi ya ka yalang wa da pynman ha ka wi ka madan ha Jongksha, wei ha kani ka sngi da emlang leh kiwa yahkhmat wa hakhmat ka NPP, nadooh u National Vice President, u Prestone Tynsong wa kiwi kiwi kiwa yahkhmat.
Kam wow pynkynmoo wa ha ka 28 tarik yong u Naisan uni u snem, u President ka Meghalaya Pradesh Congress Committee, u Vincent H Pala da pynbna paidbah u ya u Kansing Lynshiang uwa man kam u President ka Mawkynrew Block Congress Committee wow man u kam u kyrtong ka Party Congress wow yakhun ya ka Election MLA 2023 na Mawkynrew.
