theme-sticky-logo-alt
theme-logo-alt
Advertisement ad1
Advertisement ad1

Da wai pyrda ya ka Sahlyngkhot Lyngdoh Lumputhoi Memorial Knock-out Football Tournament 2022

Advertisement ad1

Ynne ka sngi u C.D. Buam uwa man leh kam U District Statistics Officer yong ka East Jaiñtia Hills District da wai pyrda u ya ka “13th Prize Money Invitation Knock-out Football Tournament 2022” kawa pynman da ka Lumputhoi Sport Club kawa tip leh kam ka “Sahlyngkhot Lyngdoh Lumputhoi Memorial Knock-out Football Tournament”.

Hei klam yong u kongsan da yaroh u ya kiwa kitkaam ka Lumputhoi Sport Club wada kreh chitom ki wow pynman ya kani ka lympung yalehkbol kam chibynta wow pynku ya ki khon khynroo khyllood kiwa em sap. Da ong haroh u wa hanla man ka chnong Lumputhoi kawa rap cha dong leh tangwa ki rukom pynkhreh yong ki man ko kawa rap phær na kiwi kiwi ki chnong neibhah da pynphooh pynphieñ ya ka madan yalehke da kawa kær that soodong ka madan iwa kiwi ki chnong ym rap leh ki kam ka chnong Lumputhoi.

Advertisement ad1

Da ong u hanla man ka sien wa nongkong poi u ha kani ka chnong tangwa em i mynsien wa sñiaw ya jooh ya jan wa ki bru cheini neibhah wa em u paralok wa ya krehlang wa oo ha ka jooh ka yung krehkaam na kani ka chnong, wei em leh kiwa chong chnong kani ka chnong wa jooh wan khih mylla cha ka thaaiñ yong oo ha Amlarem kiwa man kam ki para jan chnong.

Da kyntu u leh ya kiwa yalehke waroh arliang wow man ki kiwa kreh chitom deiwa pynkhreh bha wei kam kiwa yalehke toh u em i mynsien yalehke chirup wa ka akor ka burom, deiwa sñiawkhian ya idæ kamjooh wow kynmoo haroh ya u Blai. Da ong chooh chooh u ha ka yalehke hi da em i jop i rem, ka naam jop wa ka naam rem man ko kam ka pyrtuid hi-eh katwa ya ki kaam da leh da ka ka wi donhi ka liang. Kamtæ hawa jop leh ym jooh hoi u kam watoh nga wa thap kool wei lada rem leh ym jooh bha u pynbaad ya ki para wa yalehke neibhah man ko ka ya krehlang.

Khaddooh da kitbok kitrwiang u ya kani ka Tournament yow man ko kawa lai bait lai ryntih nadooh wa sdang hadooh wa kut, yow man ko leh ka Tournament wa ye u pynmih poisa ya ka Club.

U Plus Lyngdoh uwa man kam u symbood kongsan, uwa kreh lang chirup wa u kongsan da kyntu u ya waroh wow man ki bru wa kreh chitom la ha kiwon kiwon ki bynta khnang yow nang ku ha ki kaam wada kreh.

Kiwi de kiwa da e yei klam ha kani ka yalang toh u Phransis Lyngdoh, General Secretary ka Sport Club uwa da e leh yei klam maitphang, u Riki Lyngdoh, dkhot ka EC ka Sport Club da e u yei klam pdiang burom, ka Seiñ Manbei da e ko i chaad pdiang burom, da yoh leh i klam na u Kular Lyngdoh, u President ka Sport Club wa kamjooh na u S. Lyngdoh, General Secretary chnong uwa da khana yei parom tbian chaphang i pyrtuid kani ka Tournament.

Ka yalehke wa da pynman ynne toh hapyrdi ka ka Moolamanoh SC pyrchah ya ka Moonongtdu SC heiwa ka Moonongtdu SC da jop ko 2-1

Share this:
Previous

E kti u Wailadmiki ya ki Work Order cha ki 9 dong ka Mihmyntdu wa kynjoh T. 19 lak tam

Next

Joor i yaknieh Ticket BJP ha North Shillong