theme-sticky-logo-alt
theme-logo-alt
Advertisement ad1
Advertisement ad1

E kti u Wailadmiki ya ki Work Order cha ki 9 dong ka Mihmyntdu wa kynjoh T. 19 lak tam

Advertisement ad1

Ynne ka sngi u MLA ka Jowai, u Wailadmiki Shylla da wan e yarap u cha ki 9 tylli ki dong ka Dorbar Chnong Mihmyntdu ha ka yalang wa pynman ha Lumpyrdi heiwa da yoh i klam pdiang burom na u MC Ryngkhlem, u Chairman ka Dorbar Chnong Pyllun. 

U Waheh Chnong, ka Mihmyntdu u Abul Phawa hawa e yei klam da ong u wa dap u dei sñiawkmen wa u MLA ka Jowai da kular u wow wan e yarap cha ki dong kiwa em hapoh ka chnong. Da ong u wa u Wailadmiki kam u MLA da wanrah u chiboon ki kaam pynroi hapoh ka chnong heiwa da wanrah u ym du ya ki MLA Scheme tangwa kiwi ki kaam leh kiwa pynmyntoi ya ki khon ka chnong. 

Advertisement ad1

Heiyatoh wa u sarok hapoh ka chnong uwa jrong kamwa 7 Km da yoh T. 5 klur wei yooluti u wa ha ki soo bnai wow wan daw ye u pyndep ya i kreh. 

U MDC (Nominated) ka JHADC, u Octomewot Lamin hawa e yei klam da e khublei u ya u Wailadmiki wa da wanrah u ya ki kaam pynroi ha ka chnong deiwa kitbok ya oo wow pteiñ u ya kini ki kaam wa bha sam chaphrang.

U MDC ka Jowai North, u Brighstar Chyrmang hawa e yei klam da ong u wa u MLA rap joor i e yarap u toh wa yoh u chiboon ka Vote na ka chnong wei da kyrmen skem u leh wa ha u 2023 leh daw yaleh u pyntam chooh ya ka Vote khnang wow ye u wow wanrah chooh ya ki kaam pynroi hapoh ka chnong. 

Neiliang u Wailadmiki da ong u wa ya ki Work Order da yoh da slem tangwa nei pynthut ka khlam da rap slem wow e ya ki wei mar yoh ya ki da yaleh u pynlait noh ya ki wei kini ki kreh u man ki ki wow myntoi ya ki paidbah. 

Da ong u wa hanla yoh u katwa yoh leh kwah u wow saam salonsar ya ki cha waroh ki dong, ka Seiñraij wa ki Balang katwa ka Work Order yong ki ar dong, ka Lumchyrmit wa ka Lumchyrmang daw ye u e ha ki tayaw wow wan. 

Chooh chooh da ong u wa neiliang yong oo da yaleh u wow kreh neibynta ki thaw sumaar, ki skur, i e yarap cha ki mistri, i saam kymmor wa kiwi kiwi wei ymtoh iwa suk ya oo uwa dang jop nyngkong wow pyndap ya waroh wei ymye wow e lut chisiendon. 

Da ong u wa ya ki Work Order u pynkreh da ki Local Committee na ki dong neibhah manda kreh da ki daw ye ki wow kreh miat rap bha yei kreh. 

Heijooh i por da pyntip u wa dang em ki Scheme samen cha ki 600-700 yung ka Mihmyntdu heiwa daw chong pyrkhat neibhah i e yarap toh cha ki manyung kiwa emkaam yarap bha. 

Da kyntu u leh ya ki paidbah wow kyrchaan ya oo sam chaphrang khnang wow ye u e chakri ya ki paidbah ka chnong. 

Waroh kini ki 9 tylli ki Work Order wa da e ynne ka sngi kynjoh ki palat T. 19 lak. 

Share this:
Previous

Chirup wa ka pyrthai kynmoo warom ka MBS&G ya ka International Day of Peace

Next

Da wai pyrda ya ka Sahlyngkhot Lyngdoh Lumputhoi Memorial Knock-out Football Tournament 2022