Da wai ya ka Bhoirymbong C&RD Block

Shillong : U Chief Minister, u Dr Mukul M Sangma ynne ka sngi da booh moo-nongrim u ya ka Bhoirymbong C&RD Block Headquarter ha Khapmara wei da wai u leh ya ka Bhoirymbong C&RD Block ha ka yalang wa pynman ha Pynthor Shnong, Lumdaithkhla hei emlang u Minister, C&RD u Sniawbhalang Dhar.

U Chief Minister hei klam yong oo da  ong u wa i wai ya kani ka C&RD Block toh u moomer wa emkaam bha ya ka Ri-bhoi neibhah deiwa em kani ka Block wa thymme daw wanrah ko ya iwa boon i myntoi ya ki paidbah neibhah lyngba ka Block boon ki scheme sorkar wa wan luti yow pynku yei yoh i kot yong ki paidbah.

Kamtæ da kyntu u ya ki paidbah yow chim kabu ki ya ini wa dang yoh thymme neibhah ka Ri-bhoi man ko kawi na ki district wa khlan bha hei rep i riang wei lyngba ka Block wa thymme daw pynman ya ki kiwa rep wa dap wa biang.

Da ong u leh wa ka sorkar iwi na i thong yong ka toh wow pynkrehkaam hok ya ka kreh 100 sngi yow yoh myntoi ki 100 sngi chi snem kamwa da kular ya ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ini ka Bhoirymbong da man ko ka Block wa 42 hapoh ka jylla wei daw wai leh sa ya ka Sohiong C&RD Block, Bajengdoba C&RD Block wa ka Mawlai C&RD Block ha kini ki sngi wow wan.

Kiwi de kiwa klam ha kani ka sngi toh Minister, C&RD, Sniawbhalang Dhar, Ngaitlang Dhar, MLA, Umroi wa u Dr. Celestine Lyngdoh, Parliamentary Secretary, Agriculture, Food etc.

Ha kani ka sngi da emlang leh u A Lyngdoh, MDC, Umroi, M Nongrum, MDC, Langrin, Director, C & RD, I R Sangma, ki Waheh Chnong wa kiwi kiwi.