Shillong: Kam chibynta wow pynsuk yei chakri cha ki paidbah ka ri-loom Garo, ynne ka sngi da wai ya ka Chief Minister’s Secretariat ha Tura wei kani u em ko ha yung krehkaam Commissioner of Divisions Office, Dakopgre, Tura.
U montri rangbah ka jylla, u Conrad K. Sangma daw em ha kani ka yung krehkaam heipor wa lai u cha Tura wei daw krehkaam ko ha ki sngi pohyaaw namo ki sngi man kreh wei da thung leh u sahep wa pura wow pait ya kani ka Secretariat u wow pdiang ya ki dorkhat, wow paan yachem wa u montri rangbah wa kiwi kiwi.
“Em chiboon ki bru na ki chnong wa jngai ka ri-loom Garo haap wan ki cha Shillong wow pyndep ki yei kaam yong ki heiyatoh wa u montri rangbah iwa da baam yei por kamjooh ka poisa ki bru. Kattu deiwa em kani ka yung krehkaam wa kyrpang daw pynsuk ko chiboon ya ki bru na ri-loom Garo heiyatoh wa ki kaam yong ki,” da ong u Conrad heipor wa chong nyngkong u ha kani ka yung krehkaam ynne ka sngi.
Ha kani ka sngi da yachem u leh ya ki kattu katni ngut ki bru kamjooh leh ya ki sahep ha kani ka yung krehkaam.
Da ong u leh wa lyngba i stat ka juk katni daw ye u yaklam wa ki bru lyngba kani ka yung krehkaam ha Tura ha ki por wow wan wei ini i leh ka sorkar toh wow pynyajan ya ka sorkar wa ki paidbah.
Chooh chooh da ong u wa daw hukum u ya ki sahep wow e yutip ki wei wow yarap ya ki bru hajrong ki scheme waphær waphær yong ka sorkar, neibhah i thong ka sorkar leh toh wow chakri ya ki paidbah.
Discussion about this post