15 49.0138 8.38624 1 0 4000 1 https://wyrta.com 300 0
Advertisement ad1

Da wai ya ka Darrang kam kawi na ki thaw uiñke sawari
6 lak tam poi kiwa uiñke sawari ha West Jaiñtia hapoh chi snem

0 Comments
Advertisement ad1
Advertisement ad1

Jowai : Ynne ka sngi 28 tarik u man ko ka sngi wow sahkynmo heiwa u MLA ka War Jaiñtia Constituency u Stephanson Mukhim da wan wai paidbah u ya ka chnong Darrang wow man ko kam kawi na ki thaw uiñke sawari deiwa wai u ya u Moosah kynmoo ka Darrang Tourist Spot.

Ya kani ka thaw uiñke da pyllai da ki khynroo ka chnong kiwa da seiñ ya ka Darrang Tourism Promotion & Development Society.

Ha kani ka sngi da em ka yalang heiwa da wan sakhi da ki heh sorkar ka District, ki MDC, ki jan chnong wa kiwi kiwi.

Ya ka yalang da pyllai da u Media Secretary yong kani ka Society u Rahul Suchen, da yoh ya ki kyntien pdiang burom na u Chairman ka Society u R. Kongwang uwa da khana leh yei thmu ka Society iwa man wow kyntu kynrong ya ka chnong khamtam ha ka liang uiñke sawari.

Da yoh yei klam tbian leh na u Waheh Chnong ka Darrang u Illusion Ryngksai, u Nodal Officer ka MBDA u B.J. Kharshandi, u SDPO u Jason Mairong wa kiwi kiwi.

Ka District Tourism Officer ka I.N. Shylla da khana ko wa ha u snem wa da dep dapoi ym duna 6 lak ngut kiwa uiñke sawari na kylleiñ ka ri wei palat san hajar na ka nar ka ri wa wan hiar cha West Jaiñtia Hills.

U MDC ka War West u H. Pohthmi, da ong u wa emkaam u man ki dkhot ka society kiwa thliang kiwa pariah yow suk kiwa uiñke sawari hawa poi ki cha kani ka chnong.

Ka SDO ka I. Laloo da ong ko wa kani ka sngi man ko ka sngi kawa sah kynmoo kawa u man i sarong ya kani ka thaiñ. Da kyntu ko leh ya ki dkhot ka chong wow da wow kær ki ya ka rymaw kawa da e ya ini i miatdur ha kani ka thaw.

U ADC ka District u DM Wallang da kitbok u ya ki dkhot yong ka society wa ka chnong waroh kawi, da batai u leh chaphang ka Responsible Tourism næ wow em i kitkhlieh hajrong ini i kaam uiñke sawari.

Kam u kongsan u MLA ka thaiñ u Stephanson Mukhim da e khublei u ya ka chnong wa da ye ko u sdang ya kani ka kaam wei da kular u wow yarap wow kyntu ya ki katwa ye u.

Da ong chooh chooh u wa emkaam leh wow maya ki ya kani ka thaw wei wow sumaar ya ka yow tip ka pyrthai sa ya kani ka chnong.

Da pynkut ya ka yalang da ki kyntien khublei na u General Secretary ka Society U Locas Pohti.

Ya kani ka sngi da pynphooh da ki kiñ lieñ pyllah, ki yakop kun mynsien hapoh um, ka yakop yimpa, wa kiwi kiwi.

Ha kani ka sngi da em leh ka yaaw kawa pyllai da ka MBDA heiwa da wan dai ya ki mar kiwa da chna da ki Self Help Group wa ki bru samen na kylleiñ ka ri-loom Jaiñtia.

Ha i janmiet da pynwyrngia ya ki paidbah da ki sur na ki dhab tem wa wan na Shillong, Dawki wa na ka chnong Darrang.

Advertisement ad1

0 Comments

Leave a Reply