Ka dukan dai dawai wa tip kam ka Balianna’s Wholesale Distributor & Surgical Items kawa dai leh deilang wa ki tiar ki tar wa emkaam ha ki Hospital wa Clinic wa em ha Mookymphad Mihmyntdu, Main Road kawa man ka yong u Balios Swer da wai ya ka ynne ka sngi.
Ya kani ka dukan da wan wai da ka D. Tariang kam ka kongsan kawa man leh kam ka Drug Inspector, DHS West Jaiñtia Hills District wei daw pait wei pynlai ka da u Rimiki Challam.
Neiliang ka kongsan da pynsñiaw ko yei kmen wa em kam kini ki bru wa chemphang kiwa wanrah ya kam kini ki dukan kiwa ye wow yarap u pynpoi smat ya ki dawai cha kiwa emkaam ya ki, wei deiwa em kam kini ki dukan hajan kiwa ye wow pynbiang dawai daw pynsuk ko ya kiwa dai wa thied kamjooh ya ki Doctor wow yoh ya ki dawai wa emkaam ha i por wa biang.
Kamtæ da pyn-eh-daw wei pyn-eh-nasib wa kani ka dukan daw ye ko wow chakri rap bha khnang wow myntoi kiwa boon wa lang.
Ya ka yalang da pynlai da u Balios Swer kam u tre dukan wei hachwa wow wai da yoh yei klam kyrkhu kyrdoh na u E. Lyngdoh, Waheh Chnong ka Caroline Colony wei i puræ na ka ktien yong u Blai na u Yoman Blah wa i duwai na u Aibor Swer deiwa emlang leh kiwa ha-yung ha-sem u Balios Swer deilang wa ki lok u.
Discussion about this post