15 49.0138 8.38624 1 0 4000 1 https://wyrta.com 300 0

Da wai ya ka dukan ki warep wa nyngkong dooh ha Jowai

0 Comments
Advertisement ad1

Jowai: Ka NABARD (National Bank for Agriculture and Rural Development) hei yakrehlang wa ka SURE (Society for Urban and Rural Empowerment) ynne da wai ki ya ka dukan ki warep ha Iawmusiang, Jowai. Kani ka dukan toh neibynta ki warep hapoh ka West Jaiñtia Hills kiwa em hapoh ki SHG wow ye ki u dai ya ki mar yong ki, wei kani ka dukan em ko ha Kyndiah Market, Kiang Nangbah Road, Iawmusiang ha luti wow lai na Iawmusiang cha Tpep-pale.

Hei klam ha ka yalang wow wai ya kani ka dukan u Kobarnes Tlang uwa pyllai ya kani ka yalang da ong u wa kani ka dukan man ko ka rynsan wei kiwa rep u yoh ki u dai ya ki mar rep yong ki kamjooh ya kiwi ki mar wa pynmih ki. Da e yaroh u leh ya ka NABARD wa da leh chitom wow pynman kaam ya kani ka scheme hapoh ka West Jaiñtia Hills.

Advertisement ad1

U H.H. Mohrmen uwa yahkhmat ya ka SURE da ong u wa kani ka Rural Mart da seiñ hei pyrtuid kiwa chna kchu lyrnai kiwa na ka chnong Tyrshang, tangwa neidaw wa ka SURE em ko sanphaw tylli ki SHG wa artylli ki Famers’ Producer Organaisation (FPO) kiwa yarap wei kiwa pynmih boon ki mar, u DDM ka NABARD ryngkat ki wa pyllai ka NABARD da pdiang ki wow booh noh ya ki mar yong kiwi ki SHG kiwa da seiñ da ka SURE.

U F.R. Marak uwa man leh u General Manager ka NABARD Regional Office, Shillong hei klam da khana u wa ka NABARD da pynkrehkaam ko chiboon tylli ki scheme hapoh ka West Jaiñtia Hills, kam ka Financial Literacy Campaign (FLC), ka SHPI kawa seiñ ya ki SHG, ka POPI kawa seiñ wei kyrchaan ya ki FPO, ka Rural Hat wei katni won da sdang ya ka Rural Mart. Da ong u leh wa nachwa chem chitom kiwa rep wow dai ya ki mar ki tangwa dei em kani ka Rural Mart daw yarap ko ya kiwa pynmih mar kiwa da song bha (packaging) wow booh ya ki ha kani ka dukan.

U Marak da pyntip u leh wa ka NABARD u su ko ya ka bai wai kiwa chong dukan neibynta ar snem wei da ong u leh wa sñiawkmen u wa da ye u sdang ya kam kani ka project hapoh Meghalaya.

Ka B. Blah, BDO Thadlaskein Block hei klam kam ka kongsan ha kani ka sngi da e yaroh ko ya ka SURE wa ka NABARD wa da ye u sdang ya kam kani ka kaam wei da ekhublei ko leh ya ki SHG wa ki FPO kiwa da wanrah ya ki mar wa pynmih ki cha kani ka dukan.

Ki tiar wa ye u yoh na kani ka dukan toh ki kchu lyrnai, ki tiar wa ye u e sñiawbha (gift item), ki achar, ki wasa’ang, ki syntu wa raw, ki umsoh, ki umngap wa kiwi kiwi kiwa pynmih da ki SHG.

Kiwi kiwa da eklam ha kani ka sngi toh ka Milda Shylla na Tyrshang, u Habadajop Lyngdoh wa u Raj Passah naka SURE wei ya ka yalang da pyllai da u Kobarnes Tlang, President ka Seng Kynhun Nongrep hapoh ka Thadlaskein block.

Advertisement ad1

0 Comments

Leave a Reply