15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da wai ya ka Entry Exit Point wa nyngkong dooh ka jylla ha Umling, Ri Bhoi

Advertisement ad1

Shillong: U Symbood Montri Rangbah ka jylla, u Prestone Tynsong da wai u ya ka khyrdop (Entry/Exit) wa nyngkong ka jylla ha ka chnong Umling, Ri Bhoi District. Ya kani ka khyrdop da chna kam chibynta wow khanglaad yei yoh psiah laitlan ki bru wa na baar, lyngba ka Meghalaya Residents Safety and Security Act, ha i lut wa T. 2.70 klur.

U Prestone da ong u wa ka sorkar jylla daw chna ko leh sa ya kam kani ka khyrdop ha kiwi ki thaw, wa kynthup ha Rattacherra East Jaiñtia Hills wa ha Bajengdoba Garo Hills ha kini ki kjiak bnai wow wan.

U Prestone da pyntip u leh wa ka sorkar da booh ko leh ya kawi ka khyrdop ha Umroi Airport, wei da pyntip leh wa ya ka khyrdop ha Mendipathar Railway Station daw wai noh ym slem de.

Katkam wa pyntip u Tynsong, ya ka Infiltration Check Point kawa em ha Byrnihat leh daw kyrriah noh cha ka khyrdop ha Umlimg. 

Kani ka khyrdop u man ko leh kam ka thaw Test COVID-19.

Ha kani ka sngi da emlang leh u Montri ka Community and Rural Development, u Hamletson Dohling, u Montri ka chnat Agriculture, u Banteidor Lyngdoh wa ki MLA wa mihkhmat na ki 4 tylli ki Constituency ha Ri Bhoi, ki MDC, ka Deputy Commissioner ka RM Kurbah wa kiwi ki sahep sorkar.

Share this:
Previous

Ka thaaiñ North East daw man ko kam ka thaw uiñke suwar wa ka-it bha ki bru hadien ka khlam COVID-19: Dr. Jitendra Singh

Next

COVID-19: La 24 sngi boon da kiwa chait, sah sa 3.03 lak kiwa dang chah ktah iwa duna dooh hadien 161 sngi