15 49.0138 8.38624 1 0 4000 1 https://wyrta.com 300 0

Da wai ya ka Hostel yong ka Football Academy of Meghalaya

0 Comments
Advertisement ad1

Ynne ka sngi ka Football Academy of Meghalaya (FAM)da wai ko ya ka Hostel namo ka thaw sah ki khynnah kiwa sikai ko wow yalehke Football hei emlang u montri ka sorkar jylla uwa man leh u Managing Director ka FAM, u Kyrmen Shylla, u CEO yong ka, u Ajoymeson Lyngdoh Syiem, wa kiwi kiwi.

Neiliang u Ajoymeson da ong u wa kani ka Hostel kawa em ha Khimusniang toh kawa em 5 kamra wei ye ko u pdiang hadooh 17 ngut ki khynnah wei ha ka ye u sah ki khynnah kiwa na jngai na ka Jowai wei kiwa wan na ki manyung wa dooh.

Advertisement ad1

Ka FAM toh kawa esikai ya ki khynnah kiwa hapyrdi 9 hadooh 15 snem i rta wei ha uni u snem da rah ko yei naam jop ha ka lympung yalehke football U-12 Republic Day Cup ha Jowai.

Chooh chooh ka FAM toh kawa em hapoh ka North East India Goal kawa thmu wow thooh wei wow esikai ya kiwa em cha palat sor khnang wow ye ki u yoh laad wow chimbynta ha ki yakob waphær waphær.  

Neiliang u Kyrmen da ong u wa ka FAM wai luti ko ya ki khynnah kiwa wan na ki manyung wa dooh kiwa em ka sap yalehke tangwa ym yohlaad ki neibhah lyngba yong ka ye ki u chah hikai wow pynjanai ya ka sap yong ki.

Da ong leh wa da em ki Club wa kwah u phah khynnah wow chah hikai ki ha ka FAM deiwa pynrap wa ki khynnah ye ki wow man kiwa yalehke yong ki Club wei heijooh i por wow chah hikai ha ka FAM.

Ka FAM daw man ko ka Club wa nyngkong dooh na ri-loom Jaiñtia wow chimbynta ko leh ha ka Youth League wa daw pynman da ka All India Football Federation.

Advertisement ad1

0 Comments

Leave a Reply