Psiah Final ka Langsning hei sien wa nyngkong ha ka MSL deiwa pynrem ya ka Lajong

Ka Langsning FC da yoh ko wow psiah cha ka Final wa nyngkong yong ki ha ka Meghalaya State League deiwa yachut Tie-Breaker yow jop da 4-2 ya ka Shillong Lajong FC ynne hadien wa kut ka yalehke da 1-1. 

Ka yalehke ynne da man ko kawi na kiwa yoosuk bha ha kani ka MSL 5 heiwa ka Lajong da thap nyngkong ko ha ka yalehke ha SSA Stadium ha ka kylla step lyngba u Fridison Wanniang (21′) chwa wa u Top Scorer ka MSL, u Nelson Rymbai (80′) da su kylliang u manda jan kut ka yalehke.

Da pynman leh ya ka Extra Time kawa 30 minit heiwa ym em wa yoh u thap hadooh wa poi cha ka Tie-Breaker heiwa ka Langsning da jop ko da 4-2 deiwa lehbha uwa yang kool, u Nister Roy Suting uwa da khanglaad ya kawi ka bol wei kawi won da chut u Samchaphrang Lato cha rood. 

Related posts

3rd Division ASSA: Jop ka Lurniang wa ka Ammutong

November 1, 2026

1st Division EJHDFA: Psiah Final ka Rymbai Synrangshahkhain

October 31, 2026

Ka Langsning daw yachem Final ko wa ka Nongkseh SSCC kawa man ka liang kawa yaleh MSL hei sien wa nyngkong. 

Ha uni u snem ka Nongkseh wa ka Langsning daw yoh laad ki wow man kam ka Champion hei sien wa nyngkong yong ka MSL.