Ka Kduplang-I Cluster Level Federation (CLF) ha ka 7 tarik uni u bnai dapoi ko cha u moomær wa khroo heiwa da yoh ko wow wai ya ka Livelihood Service Centre (LSC) wa thymme wa em ha Iooksi. Kani ka Centre ka thong ko toh wow man kam ka thaw wa em hapyrdi wow pyndap pynbiang ya kiwa boon kiwa emkaam nadooh ki mar ki mata kamjooh ka thaw wow e sikai wei wow yahluti ya kiwa em khih em khan.
Ya ka yalang wai da pynlai da ka C. Lyngdoh, President ka Kduplang-I CLF, deiwa emlang ka R. Passah, CLF Secretary wei da wan wow sakhilang u Dr. Passah (A.H & Vety) kam u kongsan uwa da klam yei emkaam u em kam kini ki kreh wa yahkhmat da kiwa chong chnong yow pynku ya ka kamai kajih kiwa im cha palatsor.
Da wan wow sakhi leh da kiwa kreh ka MSRLS na ka District Mission Management Unit (DMMU) wa na Block Mission Management Unit (BMMU) kiwa da wan neiliang ka sorkar yow pynyoo yei kyrchaan ya kini ki seiñ chnong.
Neiliang kiwa yahkhmat chnong kiwa da embynta kam u N. Sutnga na Umdeiñlin wa u M. Shadap na Tongkiad da baan joor ki yei emkaam i ya krehlang ki CLF wa ki bor chnong.
Hapoh kani ka Livelihood Service Centre ye wow yoh ki symbe, ki sboh, ki dawai mrad, ki dawai thung, ki baam mrad wa kiwi de kiwa ma kamni:
1) Poultry feed
2) Piggery feed
3) Supplement & vitamins
4) Deworming
5) Local seeds
6) Watering can
7) Sprayer
8) Slicing Machine
9) Carrier box
10) Toolkits for ear tag
11) Vermi compost
12) Silage
Da yooluti wa kani ka Livelihood Service Centre daw ye ko wow leh ki kaam wow pynkhlan ya ka khayi pateiñ deiwa ye wow pynyoh ki mar wa emkaam deiwa smat cha ki dkhot ka Cluster Level Federation.
Discussion about this post