Da wai ya ka NEEMIE ha Shillong kam ka rynsan ya kiwa seiñ kreh yong idæ

Ka North East Entrepreneurship Machinery Innovation & Exhibition Event (NEEMIE) 2023, kawi na ki yachemlang wa da angnood bha da ye u sdang ya ka ynne wei daw neh ko hadooh ka 22 tarik uni u bnai hei emlang ki bru wa pawnaam na kylleiñ.

Ha kani ka sngi da emlang u Montri Rangbah ka jylla, u Conrad K Sangma, ka Isawanda Laloo, IAS, u Gunanka DB, Project Director S&T, Planning Department & Member Secretary ka State Council for Science, Technology & Environment (SCSTE), u Prof. Devesh Walia, Head of Department ka Geology & CEO ka Incubation Centre, NEHU wa u Aditya Sen, Program Head, PRIME Hub, Meghalaya.

U Conrad K Sangma kam u kongsan da ong u wa sñiawkmen u wa ha ki san snem wa dadep ka Meghalaya da tipmit ya ka kam kawa yarap wow seiñ kreh na ki jylla wa khian. 

Da ong u ki san snem wa da lai wa ki kaam wa da jop pynyoo i ya i raikut ka sorkar wow yarap ya kiwa seiñ kreh wei da yooluti u wow man ki kaam sam chaphrang ha ki snem wow wan.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka Isawanda Laloo, Executive Director of MBMA & Prime Hub da sñiawkmen ko wow ye u pynman ya ka NEEMIE 2023 wei i ye wow yarap ya kiwa seiñ kreh ha ka thaaiñ. 

Da ong ko wa ini u man iwa e mynsien ya ki chnat waphær waphær wow kreh chirup wow wanrah ya ki kaam pynroi wa kiwi kiwi. 

NEEMIE 2023 u wailad ko ya ki bru wow pait ya ki tiar wa ki kor wa ye ki u yoh yarap nadooh i thaaiñ that, wow song baam, wow chna tiar da ki dieñ, ki mar wow chna dawai, i chna yung, i rukom noh-jhep, ki kaam uiñke suwari wa kiwi kiwi.

Ha kini ki le sngi daw wan ki bru chemphang na kiwa boon ki bynta ki wow wan klam wei e yumut ya kiwa wan chimbynta.

Ka NEEMIE 2023 toh ka wow pynyoo ya kiwa seiñ kreh na ka thaaiñ mihsngi yow rap yoh buit yoh budia ki heiyatoh wa i seiñ kreh.