Ynne ka sngi, u Montri Rangbah ka jylla, u Conrad K. Sangma da wai u ya ka Rambrai Community & Rural Development Block hei emlang u MLA Kimfa Sidney Marbaniang, u MDC ka thaaiñ u Bajop Pyngrope, u MLA Macmillan Byrsat wa kiwi kiwi.
Ka Rambrai C&RD Block toh kawa da phiah na ka Nongstoin C&RD Block, West Khasi Hills heiwa daw heh ko kamwa 584.628 sq km wei u kynthup ko ya ki 109 tylli ki chnong wa 36,148 ngut kiwa chong chnong.
Ka Rambrai jngai ko 20 km na District Headquarter ka West Khasi Hills wei kiwa boon kiwa chong chnong toh ki Khasi wa Garo.
U Conrad hawa e yei klam da ong u wa i sdang ya kani ka Block daw pyntikna ko wa i synchaar daw poi i kylleiñ wei i rukom synchaar leh daw rap miat bha i.
Da ong u wa ki C&RD Block toh kiwa kongsan tam hei wow pynkrehkaam ya ki Scheme wa ki kaam sorkar wei ki paidbah daw ye ki wow lai cha ki Block ha iwon iwon i por. Chooh chooh da ong u wa ki paidbah ka Rambrai da chem chitom bha ki neibhah hap lai jngai ki wow yoh i chakri na ka sorkar tangwa kattu won daw suk bha ki.
Chooh chooh da ong u wa ka sorkar da wanrah ko ya i rukom yaleh Certificate waphær waphær na ki yung krehkaam Block heiwa ki paidbah kattu ye ki wow yoh ya ki Certificate deiwa lai du ha ki yung krehkaam Sub-Division.
Heijooh i por da khana u wa i kreh ya u sarok Nongstoin-Rambrai-Kyrshai uwa T. 231 klur da jan dep u ym slem de neibhah nei sih u sarok ki paidbah da maad ki yei eh i khor wa har rukom.
U Conrad da pynbna u leh wow pynku kyrdan noh ya ka Rambrai PHC cha ka CHC wei daw booh mooyurim noh neibynta ini, kamjooh leh ki LP School ha Rambrai da dep chna pynmiat ya ki wei em leh kiwa daw chna.
Chooh chooh da ong u wa kani ka Rambrai C&RD Block daw krehkaam ko katni na i yung wa chipor katwa dang kreh ya i yung wa pura.
Ha kani ka sngi da e yarap u leh ya ka Meghalaya’s Biggest Farmers’ Welfare Program Focus wa ka Focus Plus deiwa saam ya ki khon sñiang wa ki syiar Kuroiler hapoh ka Rural Backyard Piggery and Poultry Scheme “Progress”, da e yarap ya ki seiñ khynroo hapoh ka YESS Meghalaya wa ka Community Investment Funds cha ki SHG ki kynthai.
Ki chnong wa daw em hapoh kani ka C&RD wa thymme toh kamni: Kyrshai, Nongspung Kyrshai, Mawpun, Dariphang, Doledonga, Umkhamdor, Mawdongkop, Borkhuli, Hasem, Warigro, Umthli (Kyrshai), Umdiangphiang, Umdiangsiar, Talimara, Ukiam, Umbah, Mawdiangkper, Mawdumdum, Lawshnong, Mawpayier, Nongkhusar, Mawdoh, Mawlangstieh, Mawroh Umkatha, Mawrongtein, Sawtalad, Mawbuhtraw, Mawkyrngah, Mawdong, Umiong, Urkhli, Mawliehpoh, Mawiawniang, Nongthymmai, Mawlasaw, Synia, Nongriat, Nongbudum, Nginiong, Mawlum Nginiong, Mawbyrkong, Mawlieh, Mawphansyiar, Mawkohiew, Mawmluh I, Shitangbah, Sohshynrut, Mawphansin, Umsumbah, Ramsngiwar, Nongkdait, Umlongpung, Dirang, Mawthungmarwei, Steplanglur, Mawkohniang, Domjri, Diskiang, Diskiang Pungsior, Domshohksoin, Phudumbah, Phudumbah Sepngi, Ranapbah, Mawthir, Khynrin, Sohmynthar, Nongkyllang, New Nongkyllang, Nongpliang, Nongkyndang, Lawdibah, Marshiang, Siejlieh Rambrai, Mawiawtep, Mawmluh II, Umsiej, Mawthaw, Nongshiliang, Rambrai, Mawkohiang, Mawkohmah, Nongbah, Mawrang, RL Iew Rambrai, Nongkroh, Mawdet, Mawlangbah, Mawshad, Marwa, Pungphreit, Mainop, Mawkhiat Mihngi, Rynniaw, Mawkhiat Sepngi, Um-A, Domkyrkoh, Umshem, Mawiong, Thiepkseh, Shilliangktieh, Mawrok, Mawrok Nongnah, Mawlangsu, Domkohmen, Lummyrsiang, Mawkohlur, Thamah, Tiehdang, Mawphanlur.
