Da wai ya ka Regional Cancer Centre ha NEIGRIHMS wa kiwi ki tiar sumaar wym pu em wa yoh hapoh ka ri

U Montri ka sorkar pyrdi wa pait ya ka Health & Family Welfare, u Dr. Mansukh Mandaviya ynnin ka sngi da wan u wow wai ya ka Regional Cancer Centre, ka Under-Graduate Medical College, ka Building ka Nursing College, ki Hostel, ka 8 Modular Operation Theatre, ka Virtual Autopsy waka Guest House kiwa waroh man ki kiwa dang thymme kiwa em ha North Eastern Indira Gandhi Regional Institute of Health and Medical Sciences (NEIGRIHMS), Shillong.

Da booh u leh ya u mooyurim neibynta u chna ya ka 150-Bed Critical Care Block ha kani ka thaw sumaar deiwa emlang u Heaving Stone Kharpran, MLA wa u Prof. Nalin Mehta, Director, NEIGRIHMS.

U Dr. Mandaviya hawa e yei klam yong oo da ong u wa kini ki kiwa dang thymme wa da yoh u wai toh kiwa emkaam bha yow e chakri ya ki paidbah ka thaaiñ North East wei ka sorkar pyrdi man ko kawa raikut wow pynbha pynmiat ya ki thaw sumaar neibynta i myntoi ki paidbah.

Da ong u leh wa deiwa em kini kiwa dang wai thymme, ka NEIGRIHMS daw ye ko leh wow khriñ ya ki Doctor wow wan kreh cha kani ka thaaiñ wei da yaroh u leh yei man ryntih kiwa kreh wei yei khooid kani ka thaw sumaar, deiwa pynrap wa ka sorkar u pynbha chooh chooh ko ya iwa emkaam ha NEIGRIHMS yow pteiñ ko wow man kam kawa hakhmat dooh hawa e sumaar kamjooh ka thaw e sikai wa i thooh bniah heiyatoh wa i kjut i chitom.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hapoh kani ka Regional Cancer Centre toh kawa em 252 tylli ki palong wa ki tiar sumaar kiwa katkam ka juk wa katni. Ka Under-Graduate Medical College won daw yarap ko ya kiwa lai puræ yow pynemkaam ya kini ki tiar ki tar wa thymme wei ye wow sikai ya 100 ngut kiwa lai puræ MBBS chi snem.

Ka Nursing College toh yow pynboon yei em ki Nurse kiwa da joor bha i dawa katni, wei ki Hostel wa da wai toh kiwa em 416 kamra kiwa ye u sah kitu kiwa lai puræ MBBS wa kiwa leh Intern.

Ka Modular OT won toh ka thaw pooid yow ye u leh ya ki jait pood wa rap khor u leh. Ka Guest House wa thymme toh kawa em 28 tylli ki kamra wei daw man ko neibynta kitu kiwa chah khut sñiawbha cha ka NEIGRIHMS.

Kawi na kawa thymme bha ka jait tiar wa da wai toh ka Virtual Autopsy kawa man leh kawi na ki jait kor kawa dang thymme bha i stat wei kawa em dang du ha ki kattu katni ki thaw donhi hapoh ka ri. Da kani ka Virtual Autopsy ym emkaam de u leh Post-Mortem kam nachwa heiwa kani ka kor daw chna ko da ka 3D Model yei doh u bru yow ye ki Forensic Pathologist wa kiwi ki Doctor u takit bniah.

Ka 150-Bed Standalone Critical Care Block toh kawa da chna hapoh ka Pradhan Mantri-Ayushman Bharat Health Infrastructure Mission (PM-ABHIM) yow sumaar ya ki jait kjut wa smat u poor na uwi cha uwi kam u COVID-19.