U Prime Minister, u Narendra Modi ynne da wai u ya ka Terminal wa thymme ka Lokpriya Gopinath Bardoloi International Airport ha Guwahati heiwa kani ka Terminal daw pynman ko ya ka kam ka dwar cha Southeast Asia.
Kani ka Integrated Terminal Building toh kawa da chna hei lut iwa Rs 1,600 klur.
Deini, kani ka Airport daw ye ko u pdiang bru na ka 3.4 Million ngut ki bru ha ka chi snem cha ka 13.1 Million ngut ha ka chi snem heiwa daw ye ko leh u pdiang hadooh 4,500 ngut ha ki kynta wa khynñia neibynta kiwa lai cha kiwi ki thaw wa cha baar ri.
U Modi da wai u leh ya u mot sahnaam wa 28 ft yong u khlawait ka Assam wa yakhun laitlooid, u Gopinath Bordoloi uwa man leh kam u CM wa nyngkong ka Assam.
Ya u Modi da pdiang ha Guwahati da ki chaad na ki jaitbru waphær waphær ka Assam wei da lai luti u na ka sor na Airport cha Basistha heiwa da yachem u wa kiwa kreh ka BJP ha State Office yong ka.
Ya u Modi da pdiang da u Chief Minister, u Himanta Biswa Sarma, u Montri ka sorkar pyrdi, u Sarbananda Sonowal, u Gautam Adani wa kiwi.
Discussion about this post