Shillong : U symbood montri rangbah ka jylla, u Prestone Tynsong ynne da wai u ya ka Multi-Species Modern Abattoir namo ka thaw tynyap doh wa boonjait hapoh jylla ha Mawiong, Shillong hei emlang u MLA ka thaaiñ u P.T. Sawkmie, u Additional Chief Secretary, u K.N. Kumar, Secretary, Animal Husbandry and Veterinary Department, Dr. Manjunatha C, DGM-NABARD, u S.D. Rohila, Director of Animal Husbandry and Veterinary Department, Dr. C. Shilla, Vice President, Khasi Jaintia Butchers Welfare Association, u G. Warlarpih wa kiwi kiwi.
U Prestone hawa e yei klam da ong u wa ki paidbah hapoh ka sor Shillong ym du u yoh ki yei mar wa miat tangwa iwa khooid leh kamjooh ya kiwa daw sylli da ki bru chemphang namo ki Veterinarians wow pyntikna wa kini ki doh u man ki kiwa miat ya ki bru wow baam.
Heiyatoh wa i bynta won wow yada ya ka rymaw, u Prestone da pyntip u wa ha kani ka thaw da kynthup leh ya ka Effluent Treatment Facilities (ETF) khnang wow yada ya ka rymaw.
Chwa ini ka Dr. W. Challam hawa e ya ki kyntien waiphang da pyntip ko wa ya kani ka thaw da sdang chna da ka Animal Husbandry and Veterinary Department ha u snem 2010, dei yoh yarap poisa na ka National Agricultural Bank for Rural Development (NABARD), hapoh ka Rural Infrastructure Development Fund hei lut wa kamwa T. 2167.20 lak wei ha kani ka ye u tynyap doh hadooh 240 tylli ki masi, 240 tylli ki sngiang wa 160 tylli ki blang.
Wow pynemkaam ya kani ka thaw, da pynman leh ya ka esikai ya ki dkhot yong ka Khasi Jaiñtia Butchers Welfare Association.
Kiwi kiwa da klam ha kani ka sngi kynthup ki ya u P. T. Sawkmie, Dr. Manjunatha C, u S.D. Rohila, DGM-NABARD, Dr. C. Shilla, wa kiwi kiwi.
Discussion about this post