15 49.0138 8.38624 1 0 4000 1 https://wyrta.com 300 0

Ka yalang pynsñiawthooh paidbah ya i e sikai Computer mynkna waka bai baam tymmen

0 Comments
Advertisement ad1

Jowai: Ynne ka sngi da pynman ya ka yalang pynsñiawthooh paidbah hajrong ka Scheme ka sorkar pyrdi wa tip kam ka PMGDISHA kawa e sikai mynkna ya ki paidbah yow tip ki u pynemkaam, Computer, Internet, email wa kiwi kiwi wa ka Scheme wa thymme ka sorkar pyrdi ka PMSYM kawa man ka Scheme bai baam tymmen ya kiwa kreh mylla kiwa em 18-40 snem.

Ya kani ka yalang da pynman da ka F.S. Enterprise Common Service Center Ladthadlaboh, Jowai ha Mukhla Nongrim hei emlang u Waheh Chnong wa u Chairman Chnong wa kiwa chong chnong ka Mukhla Nongrim.

Ya ka yalang da pynlai da u Muhon Sari Waheh Chnong ka Mukhla Nongrim wei da yoh ya i batai bniah chaphang kini ki Scheme na u Program Coordinator ka Thadlaskein Block u Mardaoo Myrchiang wa na u Standbyme Sari uwa man u Village Level Entrepreneur (VLE).

Iwi na i thmu ka Scheme PMGDISHA toh wow pynman ya ki bru wa em cha nongkydong wa lyngba ki Common Service Center (CSC) u yoh sikai ki uwi na kawi ka manyung wow tip ki u pynemkaam Computer waka Internet yow yoh ki u puræ lyngba ka Internet ya ki Scheme sorkar waphær waphær, yow ye u su poisa lyngba ka Digital Payment, u pynemkaam email wa kiwi kiwi.

Ka e sikai man ko kawa mynkna ya kiwa em 14-60 snem i rta wei ka esikai u pynman 10 hadooh 30 sngi.

Yow pynpsiah pyrtuid won hapoh ka Scheme PMSYM ye u lai cha ki Common Service Center ki wow leh ya iwa ekaam.

Advertisement ad1

0 Comments

Leave a Reply