U Montri Rangbah ka jylla, u Conrad K Sangma deilang wa u Montri ka chnat Tourism Minister, u Paul Lyngdoh ynne da wai ki ya ka thaw uiñke suwari wa tip kam ka “The Travellers Nest” ha chnong Kyiem, Mawphlang, East Khasi Hills.
Kani ka The Travellers Nest toh kawa em 5 tylli ki thaw sah namo ki Cottage deilang waka Restaurant yow pynbiang yeiwa emkaam kiwa uiñke suwari wei da chna hapoh ka Meghalayan Age Ltd lyngba ka Meghalaya Rural Tourism Cooperative Federation Ltd hei lut wa T. 94 lak wei daw pynlai ya kani ka thaw da ka chnong Kyiem.
Ka Mawphlang leh toh kawa bna naam yei em ka khloo kyntang wei man ko leh ka thaw wa ka-it bha kiwa uiñke suwari wei jngai ko kamwa 28 Km na Shillong.
U Conrad da ong u wa emkaam bha wow kyrchaan ya ki thaw uiñke suwari wa pynlai da ki chong ki thaw wei man ko leh kiwa khlan bha u pynmih poisa deiwa pynrap wa ka Meghalaya ym ye ko wow ku chakhmat deiwa kset ya ka na kiwi wei waroh kiwa emkti nadooh ka sorkar wa ki chnong kamjooh ki seiñ wa pynlai ya ki thaw uiñke suwari emkaam wow ya krehlang ki yow poi cha ka thong yow pyntipmit yaka jylla cha ka pyrthai.
Da khana u leh ya ka Scheme wa da sdang thymme wa tip kam ka CM Elevate Program kawa e yarap lyngba ka Subsidy neibynta kiwa seiñ khih, ki SHG wa kiwi heiwa ka sorkar u yarap poisa ko hadooh 30% hadooh 70%.
Ha kani ka yalang da pybna u yei chna pynmiat ya u sarok na Mawphlang cha Weiloi kam i kular ka sorkar wow pynbha pynmait ya ki luti syngkieñ.
Ha kani ka yalang da pynlait leh ya 8 tylli ki kari Prime Tourism Vehicles.
Discussion about this post