15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da wai ya ka Visitor Gallery yong ka Raij Chyrmang ha Aitnar wa T. 10 lak

0 Comments
Advertisement ad1

Jowai: U CEM ka JHADC u Moonlight Pariat ynne ka sngi da wai paidbah u ya ka Visitor Gallery næ ka thaw paitke yong ka Seiñraij Chyrmang wa em ha Aitnar wada chna lyngba i yarap yong oo hi kam u local MDC naka Special Assistant Central Plan Scheme 2015-2016 yong ka JHADC hei lut wa T. 10 lak.

Ka Chief Engineer yong ka JHADC ka J. Pde da pyntip ko wa i kmai iong kani ka Gallery toh 55 la 16 meter, wei da ong ko la kamwa 20 snem da kreh ko hapoh JHADC kam ka Engineer kani toh ka sien nyngkong wa yoh ya ka scheme wa heh tam naka sorkar pyrdi.

Neiliang kiwa yahkhmat ka Raij Chyrmang kamjooh kiwa chong chnong wa kynthup ya u Pirry Shylla President Seiñraij Chyrmang, u Ker Lakiang Secretary Seinraij Kongwasan Kmai, U Oling Talang Langdoh Kongwasan, u Rod Shylla, u Roll Lakiang, u Jan Dkhar wa kiwi heiklam da pyngsñiaw ki i kmen wa khroo wa haki snem wada lai ymjooh yoh yarap ki neiwon neiwon neibynta u pynbha pynmiat ya kani ka thaw chaad Behdieñkhlam næ Aitnar natlor wa i mang poisa toh iwa heh.

Neitæ da ong ki wa lada wyrchaw na waroh ki Scheme wa poi hapoh ka chnong ym pu jooh yoh ki kawa heh kat kani wa e u CEM ya ki kawa hadooh T. 10 lak, heijooh i por e khublei ki leh ya u MLA warim u Stephanson Mukhim uwa e kamwa T. 2 lak tam heiwa da yoh ki u pynmadan ya kani ka thaw chaad Behdieñkhlam kamjooh i kynroh na tre.

U Dolloi ka Elaka Jowai u Puramon Kynjiñ da ong u, i yoh ya kani ka yung næ Gallery kamjooh i pynmadan ya kani ka thaw man ko chi bynta i ku kyrdan ka chnong ka Raij, yow yoh ki u pyndep niam pyndep rukom hei rukom wa toh wa tne wei wa pynsuk ya kiwa wan paitke.

Da ong u wa i yoh ya kani ka yung man i sarong ym du yaka chong ka Raij tangwa yaka jaitbru Pnar hi waroh kawi wa jooh pyndep ya ka lehniam Behdieñkhlam. Neitæ booh u i kyntu ya ki wa chong chnong wa kiwa yahkhmat ka Seiñraij u em ki i khitkhia i maya wei u sumaar ya ka neibhah ymtoh du kat u pynyoo suk ya kiwa pait tangwa pynsuk ko leh hawa pyndep yaka niam ka rukom.

U CEM ma Moonlight Pariat hei klam yong oo ong u wa haki snem wa dep da em i pyrkhat ha oo wow chna ya kani ka thaw paitke ha kani ka chnong Chyrmang yow pynyoosuk ya kiwa paitke, u pynsuk ya kiwa chong paitke khamtam yow riñ ya kiwa uiñ suwari heipor wa pynman ya ka lehniam Behdieñkhlam ha kani ka chnong.

Da ong u wa hapoh ka Constituency yong oo ka Jowai South, napyrdi ki 11 tylli ki chnong wa em cha baar ka chnong Jowai man ko ka wi ka chnong wa embhah tam wa yoh ko ya kani ka Scheme wa hadooh T. 10 lak katwa kiwi won ki chnong yoh ki mar T. 5 lak.

I daw wa pynpyrkhat ya oo u e kyrpang ya ka Chyrmang toh wa manda wan u haap u ya chong hei dara hi-eh iwa haap u chna dep te looid manda kut.

Da ong u leh wa lada dang yohlaad u ha ki snem wa daw wan daw thoohlad u yow pynheh chooh chooh ya ka, neibhah ya kattæ hi ym pu nood u wow kular neibhah wa dang chimkti u kam u CEM ka JHADC ha 29 Wisu manda pait u yaka muna poisa ka Council chem u wa man kawa thylli, kamtæ haap u wow thooh laad u pynchong pynthiah yow pynwan biang yei dur ka council kam ha ki por wa dep.

Neitæ won ong u hadien wa chimkti u da thooh u ki laad ki luti yow pynbiang yow su tulop ya kiwa kreh 2 bnai wei da chim u ka rai u thooh laad wei hapoh chitayaw da ye wow su.

Hei yatoh weini ong u “Lada em i pyrkhat neibynta kawon kawon ka Constituency kamjooh i kut yumut wei wow ekti lut hei kaam wada thmu, chem u wa man i iwa jop”.

Advertisement ad1

0 Comments

Leave a Reply