15 49.0138 8.38624 1 0 4000 1 https://wyrta.com 300 0
Advertisement ad1

Pynkup burom ka Sacred Heart Parish ya u montri rangbah ka jylla

0 Comments

Tura: Ka Sacred Heart Parish ynne ka sngi da pynkup burom ko ya u montri rangbah ka jylla u Conrad K. Sangma, u montri ka kaam poh yung u James K. Sangma wa yaka Agatha K. Sangma ha ka yalang kawa man kam chibynta ka yaseiñ step.

U Bishop ka Tura u Rt. Rev. Andrew Marak da pynsniaw u yei sniawngooh wei da e khublei u ya u Conrad K. Sangma, James K. Sangma wa ya ka Agatha K. Sangma.

U Bishop leh da e u ya ka dorkhat wow dawa naka sorkar wow e khusnaam cha Rev. George Mamalassery, Bishop Emeritus ka Tura yow yoh u ya ka Padma Awards heiwa la 60 snem da chakri u ya ki bru ka ri-loom Garo.

U Conrad hei klam yong oo da da pynsniaw u yei sniawngooh ya ka balang khmtam ya u Fr. Batista Busolin wa kiwi kiwa kiwa da sumaar sukher ya u pa yong oo u Purno Agitok Sangma.

“Katni em i ha kani ka thaw toh neidaw ki dkhot kani ka balang sumaar wei da e ki leh ya puræ puthi ya u pa O wei chi yanom sniawngooh O ya ini kamjooh leh waroh kwai ka ri-loom Garo.” da ong u Conrad.

Da ong u leh wa ka jylla Meghalaya hanlada man ko ka jylla wa khian em ko boon ki moochynthut wa haap kaap ko khamtam wow ye ko u pymnih poisa, wei ka sorkar dang leh ko katwa ye yow wanrah ya ka roi ka paar.

Da ong u leh wa i pynkrehkaam ya ka 5th Pay Commission wow pynku tulop ya kiwa kreh sorkar daw lut ka sorkar T. 5800 Klur kawa man kawi na ki kaam wa eh ya ka sorkar wow pynbiang.

Da pynchlur u leh ya ki khynroo khyllood wow chlur wow seiñ khih wei ym toh u teiñ ki wow sdang yeiwa thrang ki.

Da khana u leh ya i parom yong uwi u khynroo na ri-loom Khasi uwa da ieh yei kreh yong oo na USA wow seiñ khih hapoh ka jylla wow ri ngap.

“Katni i umngap wa pynmih u da lai ki cha ka ri Germany wa Dubai neidaw wa miat ka umngap wa pynmih u”.

U Conrad da yaroh u leh yei kylla wa wanrah ka balang ha ki kaam puræ puthi kamjooh ka chait ka khiah hapoh ri-loom Garo.

Advertisement ad1

0 Comments

Leave a Reply