U MDC ka Tuber Constituency, u Lasky Rymbai chirup wa u MLA ka thaaiñ, u Kyrmen Shylla ynnin ka 19 tarik da wai ki ya ka yung krehkaam ka Seiñraij Chnong Cham Cham ya kawa da chna ha i lut wa T. 4 lak.
Ha kani ka sngi chwa wow wai ya kani ka yung krehkaam da em ka yalang wa tbian wa pynlai da u chairman ka Seiñraij Chnong Cham Cham, u Pilin Dkhar, da yoh leh ya ki kyntien pdiang burom na General Secretary ka Seiñraij u Stop Phawa.
Kiwa klam ha kani ka sngi da pynsñiaw ki yei mynsien wa kmen wa khroo wa hapoh kini ki snem da boon ki Seiñraij Chnong da yoh ki ya ki yung krehkaam na u MDC ka thaaiñ deiwa yooluti leh wow dang ye chooh chooh u kreh neibynta i bha u miat ya ki paidbah ka thaaiñ.
Ha kani ka sngi da yoh yei rwai khublei na ka Seiñraij Manbei yong ka Seiñraij Chnong Cham Cham.
