theme-sticky-logo-alt
theme-logo-alt
Advertisement ad1
Advertisement ad1

Jop ka Symper Challengers ya ka Senior Women T20 Challenger Cup

Advertisement ad1
Advertisement ad1
Advertisement ad1

Ka Symper Challengers da rah ko ya ka Senior Women T20 Challenger Cup wa pynman da ka Meghalaya Cricket Association deiwa pynrem ya ka Simsang Rangers da 35 Run ha ka Final ha madan Polo ynne ka sngi.

Ka Symper da phah Bat nyngkong ya ka hadien wa jop ka Simsang ya ka kylla khlem heiwa da ye ki wow kamai 138/4 na ki 20 Over kawa man leh ka kamai Run wa ar wa heh dooh ha kani ka Tournament.

Advertisement ad1

Ka Debasmita Dutta da dat ko 11 tylli ki 4 Run yow kamai 56 Run na ki 41 bol. Kani toh ka sien wa ar wa yoh palat 50 Run ka Dutta wei da yoh ko leh yei naam Player-of-the-Match. Ka Suriti Kumar Ray (28) waka Riticia Nongbet (25 Not Out) toh kiwi kiwa da kamai boon ya ka Symper.

Ka Icyful Mary Lyngkhoi (1/8) da lehbha ko da ka bol deiwa yoh yarap na ka Luiza Tamang (1/19) waka Ajima Sangma (1/23) kiwa da kawang mar 4 Over.

Ka Simsang hawa kdong yei thong da yoh ki 103 deiwa haap lut ki Wicket ha ka 17.2 Over.

Ka Tamang da lehbha ko ya ka Simsang wei katwa dang em ko da em kyrmen yei jop. Da wan ko wow Bat heipor wa yoh ka liang yong ka 9/2 heiwa da kamai ko 62 na 43 bol wa kynthup ya 10 tylli ki 4 Run wei kawa nyngkong dooh ka 6 Run kani ka Tournament.

Na kiwa kawang bol, ka Jayshree da yoh ko 4/23 deiwa yarap lang ka Dutta (1/10), Nongbet (1/17), Ray (1/24) waka Fenny Nongrum (1/27).

Yei naam Player-of-the-Tournament da yoh ka Rubi Chettri naka Umiam Queens kawa kamai waroh 110 Run deilang wa 6 tylli ki Wicket wei da yoh ko leh ya 5 tylli ki Catch.

Share this:
Previous

Rah ka Mookyrdup FC ya ka Tiger 8 ka KSU Jowai Unit

Next

Da wai ya ka yung krehkaam ka Seiñraij Chnong Cham Cham