Ka Meghalaya Youth Engagement and Training Programme kawa da sdang ha ka 14 tarik uni u bnai ha kylleiñ ki District, da sdang ya ka da ka Meghalaya @ 50 Youth Survey, dei thmu wow yoh yei sur ki khynroo wa khyllood yow pynkreh ya ki kaam neibynta ki khynroo khyllood ka jylla. Ya kani da pynman deiwa ya krehlang da ka chnat Sports and Youth Affairs ka sorkar Meghalaya deiwa kyrchaan ka chnat puræ puthi lyngba ka Directorate of School Education and Literacy (DSEL). Da pynkrehkaam ya ini da ka AVENUES wei ini man ko leh kam chibynta i lehkmen dap 50 snem ka jylla Meghalaya wei kawa nyngkong kam kani ha ka thaaiñ Northeast India.
Ka Aspire Meghalaya 2.0 toh sa kawi wa pynkrehkaam hapoh ka Meghalaya Youth Engagement and Training Programmes yow yarap ya ki khynroo wow pynkreh ya ki hei im yong ki wow jied yeiwa kwah ki u leh khamtam hei khih i khan.
Kam chibynta i sdang da pynman ya ki Orientation Programme ha ki kylleiñ ki District ha ki 290 tylli ki thaw wa yahkhmat da 550 ngut kiwa sikai yow leh ya kani ka Youth Survey ha ki 12 District deiwa chimbynta 50,000 ngut kiwa dang khai khynroo.
Ha kani ka leh Survey da booh yukylli hajrong ki 10 tylli ki phang kitæ ka “Culture & Tradition; Education & Skills Development; Sports, Talents & Careers; Financial Awareness & Entrepreneurship; Inclusion, Engagement & Leadership; Gender Equality; Quality of Life; Health & Wellbeing; Cyber Citizenship wa Environment”.
Neiliang u Montri ka Sports & Youth Affairs, u Banteidor Lyngdoh da pynsñiaw u yei kyrmen wa lyngba ini waroh daw ye u pynkrehkaam ya ka Youth Policy kawa daw ye u kynjoh wei wow pynhun yei angnood ki khynroo ki khyllood ka jylla.
