Da wai ya ka yung thymme ka DERT wa T. 8.33 klur ha Shillong wow pynjanai ya i rukom sikai

U Montri Rangbah ka jylla, u Conrad K. Sangma ynne da ong u wa ka sorkar da chimkhia bha ko heiyatoh wa i puræ puthi khamtam ha ki kyrdan Class wa khian hapoh ka jylla wei da wanrah ko ya ki luti krehkaam wow pynjanai ya i rukom esikai; ya ini da ong u heipor wa wai ya ka Directorate of Education Research and Training (DERT)- Annexe ha Malki, Shillong hei emlang u Montri ka chnat Puræ Puthi ka jylla, u Lahkmen Rymbui wa ka MLA ka thaaiñ ka Mazel Ampareen Lyngdoh.

Da pynlut hadooh T. 8.33 klur wow chna ya kani ka yung thymme deiwa yoh poisa na ka Asian Development Bank (ADB).

U Conrad da ong u wa ka sorkar da pynlut poisa ko wow pynkylla dur ya waroh ki thaw puræ, i rukom chah hikai kiwa sikai ha ki Class khian khnang wow yoh ki khynnah ya i puræ puthi wa biang. 

Da ong u wa ka Meghalaya toh kawi na ki jylla ha ka ri heiwa da sdang wow e ya i stat i tip nadooh dang khynnah namo ka Early Childhood Education Programme heiwa ka thong toh wow pyntikna wow chem ya ki sap nawa dang khian. 

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh wa ki Result ki khynnah ha ki kyrdan heh (Higher Education), u Conrad da kdaw u wa em i duna ha i puræ puthi nadooh dang na ki kyrdan khian (Pre & Elementary Level) kamtæ ka sorkar da wanrah ko ya i kylla ha i puræ puthi ki khynnah nadooh dang khian. 

Da ong u wa ka sorkar da mang ko T. 300 klur wow yoh na baar neibynta ki kreh (Project) wow myntoi ki khynnah dang khian ha i puræ puthi wei daw yah luti ya ki kat dang heh ki.

Hajrong i thong wow man ka Meghalaya kam ka Top 10 State ka ri ha ki 10 snem wow wan, da ong u wa lyngba i puræ puthi kiwa sikai daw embynta ki wow pynwandur ya ki khynnah wow man ki khynroo ki khyllood ki wow pynmyntoi ya ka ri. Da kyntu u leh ya kiwa sikai wow man kiwa da pynkhreh katkam wa yah i por. 

Heiyatoh wa kani ka thaw e sikai da ong u wa ha DERT daw ye ko ym du wow hikai ya kiwa sikai tangwa daw ye u krehlang wow pyntikna yei myntoi heiwa u man ka mynried wa tyrchaaiñ ya ki khynnah wa ka jylla hi waroh kawi.

Chooh chooh da ong u wa lyngba kani ka thaw daw pyntikna wa ki khynnah ka jylla u lai ki ha ka luti kawa biang khnang wow ye u pynkylla wei wow yah ya ka jylla chaphrang.

U Lahkmen Rymbui hawa e yei klam da ong u wa lyngba kani ka thaw, kiwa sikai daw chah hikai ki deiwa paka. Da ong u wa ka kjut khlam COVID-19 da wanrah ko yei eh wa khroo ha i puræ puthi tangwa da pynkhyrngiat ko leh ya kiwa chna kyndon wow wanrah ya ki rukom sikai wa thymme.